鹭水芗南-闽南语部落

第三章     厦门的教会罗马字 （节选自《厦门话文》）

             ◎李熙泰／许长安

第一节     基督教的闽南白话字

一、闽南白话字的历史

（一）闽南白话字的产生

        1842年，鸦片战争失败以后，我国海禁大开，西方基督教传教士纷纷来华传教。他们为了把基督教普及到大多数人民中间去，就把圣经翻译成各地的方言。1843年还在香港集会决议：“将圣经译成中国文字，比之前出版的更加注意普及，以求广布。”起初，他们是用汉字解释，最早的是1847年上海出版的《圣经》。但是用汉字翻译遇到困难，于是改用罗马字拼音。据贾立言和冯雪冰的《汉文对经译本小说》说：“第一，为了有些方言有音无字，不能写出，翻译极其困难，甚至绝不可能；第二，就使有字可以写出，因为人民识字的能力低薄，不如用罗马字拼音，数星期之内即可学会。”这种用罗马字拼音的方言文字，就是“方言教会罗马字”。最早流行的是厦门话教会罗马字，又叫“闽南白话字”或“话音字”。

        那么，闽南白话字是怎样产生的呢？现在先把我们看到的有关资料摘录如下：

        美国归正教牧师腓力普·威尔逊·毕在1901年所著的《关于厦门——一个中国首次开埠港口的历史与事实 》写道：

        在中国、厦门所有60年传教工作中，也许最引人注目的是大约60年前厦门罗马话的创立。”“1850年这里就有学校教这种语言，但我们从一封信获悉了这个日子当在更早，即它的源头可以追溯到选择17个罗马字母组成字母表的结构。”  
続きを読む

頂回，hām台灣的朋友 阿天兄（aThinn）開講，有講著一寡hām漢語言有tī-tāi的：

aThinn講：「Phiju, li u koanchhat-tioh--bo, nachhiunn u chit pouhun e lang, kong Penang Hokkien e si, in e te-ji-tiau puntiau si 升--e, m si降--e... kah Kngtang'oe kangkhoan? Ah goa tuho siunn-long-bo, Han'gi, Oatlamgi tengteng, in e sianntiau na e long chiahnih sio-tuitang?」……

limkianhui講：平平共一个字，hoān-sè無共所在的腔口，聲調著會無共款，這攏是因為「調值teh變化」。調值，著是咱普通時teh講的「腔口」。漢語，是有聲調的語言。聲調，包括「調類」佮「調值」即兩方面的概念。「調類」來講，中古漢語有八个調類（平、上、去、入，各分陰陽），現子時大多數的漢語方言，比論講閩南語、粵語、福州話、客家話……儕少攏有種著（chéng-tio̍h）中古漢語即个特徵，不而過，嘛有特殊的，可比講，北京話kan-na chhun四聲，所以有儂講北京話是瘸跤破相。每一个漢字，攏有一个基本固定的「調類」，也著是講，「調類」基本上會當看做是固定不變的。「調值」是每一个字的音高，是會變化的。舉一例來說明，「賞」即个漢字，是「陰上」調，這是伊的「調類」，是永遠bōe變的。不而過，「賞」字，伊佇各種漢語方言當中，「調值」是無共款的：北京話讀做 /ʂaŋ214/（調值:214）、廈門話讀做/siɔŋ53/（調值:53）、廣州話讀做/sœŋ35/（調值:35）；自使是共一種語言，內部嘛是有腔口的差別，這攏是因為各所在「調值」無共款的原因。「賞」字，用閩南白話字來寫，呣管是泉州抑是廈門，一律寫做"sióng"；不而過，實際的腔口，泉、廈是無共款的，用國際音標來做區別：廈門話「調值」是高降調/siɔŋ53/；泉州話的調值是近似高平調/siɔŋ44/……

  
続きを読む

最近即暫仔（chit-chām-á），hām台灣的朋友佇網路頂面咧議論「新、馬Hokkien（福建話）」。本成（pún-chiâⁿ）是坫BLOG的comment 區teh開講，因為即个話題hàm-hàm有趣味，逐个soah愈講愈「興奮」，一句來一句去，寫kah 躴躴長（lò-lò-tn̂g）……Taⁿ 決定beh順著即个主題，佫開新頁，將討論的內容搬來chia。  
続きを読む

早早著有咧按算卜（beh）來議論即个話題啊，soah直直候無適當的時機。頂幾日仔，真無簡單chiah佫倒轉去惜別久久的Wikipedia，不而過，soah互我感覺真正失望又佫受氣。我發現佇咧英文版兮hit爿，hit篇寫福州話兮，又佫去互儂按「Foochowese」改倒轉去「Fuzhou Dialect」囉！（最近即幾月日，我為著這，改來改去，起碼舞三、四程囉）……上kài 揬膦（tu̍h-lān）的是當今中國大陸地區的IP地址去互儂擋tiâu，我精實是「有話無tè講」（著是即个又佫民主，又佫進步，又佫自由的國家啦～啊～啊～啊～，真正是「（chhōe）鬼哭無pē ！」）。無法度，看破噯佫勼轉來家己的「自留地仔」（blog），趁勢beh kā即裡中的道理，透底來kā解說互伊分明仔分明。未講進前，順紲kā逐家交代一下：我佇咧chia吼喝（háu-hoah），確實有影真「噪儂耳」，對咱即个安和樂利的社會來講，實在是重度污染。Hoān-sè 佫會去驚著hit-ê本底著真小膽的MSN……所以，假使日後我即坵田（blog）無講無呾 互儂收轉去，請逐家噯原諒我當佫 坫即搭咧「嚷」，因為我的放送頭無電啊。。  
続きを読む

（看全文，線頂聽錄音~即篇文，用漳州話唸的。）

佇即个北京話占大位的時代，其它的漢系語言，kio̍k-put-kio̍k 攏噯「瘸跤破相」，互汝免得。  
続きを読む

（看全文，線頂聽錄音~）

又佫是一本值得文字愛好者閲讀的冊；作者是日本學者阿辻哲次，中國山東畫報出版社出版。Chûn年，著捌佇圖書館看著即本冊，呣佫hit陣是原版的日文，iah我本成（pún-chiâⁿ）著無啥會曉看日文，所以只是順手掀掀咧niā。今年，拄好 tn̄g著 漢譯本兮 來 出版，我chiah有機會佫再重頭詳細來讀即本冊，這實在是一層互儂歡喜的好代誌。假使講，語言是文化的載體，iah文字又佫是語言的載體，nā安呢，一抱（chi̍t-phō）經過濃縮的漢字史，著會使講是一段濃縮著以中國為中心的遠東文明史囉。  
続きを読む

Megan　Panther(美国)／文　陈宜泽／编译（華文） limkianhui／翻譯（閩南文）

　　來中國教冊、學習的頭一冬（學期），有一擺，拄好拜六，我佮一位美國朋友相招去北京chhit-thô。北京佇中國的北頂，是中國的首都。Hit陣，阮 兩个 拆無 座位票，看破 一路 徛 kah 遘，chiah 知影 啥物 號做「thiám」。車行12點鍾chiah遘北京，阮是一半歡喜一半thiám。

　　徛坫（khiā-tiàm）北京的大路邊頭，聽在地儂講話，阮一時soah戇戇（gāng-gāng），雄雄soah聽無北京儂講的話。自使 是 上吤 簡單 的 對話，比論問路、抑是 佇 菜館點菜，攏無法度hām在地儂順利來溝通（ko·-thong）。路尾，我chiah發現講，北京儂 呣但（m̄-nā）講話真緊，佫有帶一款真正明顯的「兒話音」。會記咧 阮搭的士（tek-sî／taxi）的時陣，有 共（kā）機師 講 beh去 進前 交定（ka-tiāⁿ） 的旅社，siáng 知影 一開始 機師soah聽無阮咧講啥。無法度，只好連講帶比，無疑悟（bô-gî-gō·） 對方 硬死 著是 聽無，實在有夠費氣。尾仔，總算互阮掠著撇步：講話的時陣 一定 噯 加 攆（lián）一寡「兒話音」。即招 對對 有效，計程車 機師 隨 瞭解 阮 的 意思。

　　當然，後來我嘛發覺講，即款北京話事實呣是咱想的hiah簡單。現子時，我佫一擺來遘北京，佇chia 滯（tòa）beh 誠 月日 久，soah 感覺 北京話 加真 oh 捌（bat）、加真歹學。不而過，佫咔安怎講，北京話 猶原 是 不止仔 標準，嘛 上吤（siōng-kài）倚近（oá-kūn）中國的普通話。

　　佇中國，書面語言不止標準，無鄉里的儂，用漢字所表達的意思攏款；iah nā 讀音， 會使講 是 「天 差 咧 地的」！真儕讀者hoān-sè攏知，漢語的口語分做真儕種「方言」，無的「方言」真 oh咧 溝通。准講 是 中國儂，nā 去外地區旅游的時，嘛是定定聽無外鄉儂的話，這嘛是捷捷（chia̍p-chia̍p）拄著的問題。  
続きを読む

周末凤凰台《世纪大讲堂》ê节目，邀请着"复旦大学"外语系教授兼博导（博士生导师）陆谷孙先生担任讲演ê嘉宾。陆先生用《英语占赢面，中文真危险》（英语挤压下的中文危机）作主题，讲起英语佮中文（华语，译者添注）ê关系。当中，有一个华师大ê查某学生问伊一个戆侬嘛知，呣佫hàm-hàm有代表意义ê 问题，伊讲："欧盟即阵有25个国家，中间产生一款现象叫做lost in translation（闽南：跋落翻译坑；华语：迷失在翻译当中）。怹一年嗳开几落十亿欧元，用做翻译佮口译。我咧想英语既然是世界通行ê语言，诚侪国家ê官员定著会晓讲英语，是安怎逐个做伙开会ê时阵，呣统一讲英语着好，soah beh各侬讲各侬ê话，甘愿开大条钱，倩hiah-nī侪侬工来翻译hiah-nī侪种语言？敢讲kan-na是为着一个民族尊严，一句保护母语？若安呢，咱应当安怎做，才会当做遘"呣但(m̄-nā)保护会着家己 ê文化，佫会当hām别种文化正常来做交流？"  
続きを読む

"Ta̍k-ê hó, lí kám chai-iáⁿ Bí-kok ê o·-lâng sī ùi tó-ūi lâi--ê..."
"Tak8-e5 ho2, li2 kam2 chai-iaN2 Bi2-kok e5 o·-lang5 si7 ui3 to2-ui7 lai5--e5..."
"Tak-e ho, li kam chai-iann Bi-kok e o·-lang si ui to-ui lai--e..."
……
Pêⁿ-pêⁿ sī siá "POJ", kok-lâng sóan-te̍k ê hong-sek bô it-tēng sio-siâng, ū-ê kian-chhî siá chèng-kui POJ (ū phiau-tiāu-hû--ê), ū-ê ài beh iōng sò·-jī-sek--ê, ah lóng bô phiau-tiāu--ê mā-ū lâng ài.  
続きを読む

别儂寫啲一篇文章，趣味趣味，翻做闽南语文：

往过，我捌伫1年咔加啲時间内底，主要用繁体字（正体字）寫字，连寫作业交互先生嘛透底寫即款字型。不而过，因为普通時仔寫作业透底用英语寫啲咔儕，所以先生嘛無特别提出啥物意見。

其实寫繁体字对我來讲，也呣是讲安怎興拄安怎興，对简体字共款嘛無偏見。迄阵仔主要因为逐工看迄“繁体徛(khiā)排”啲古册，看一下久，煞愈惯勢。着是因為看册，才知影讲有儕儕繁体字虽然看有，呣过卟寫寫朆出来，比如讲“鬱悴”啲“鬱”，上頭仔是干凋看會捌，拢朆曉通寫。自安呢，chôan感觉讲该當加學一寡仔咔歹寫啲字，實际嘛开始直直试寫落去。迄时，有两本日记着是全部用繁体字寫啲。

即阵仔來讲，横直嘛诚少佫咧寫字，着慢慢仔共以早遐个代誌放朆记去；嘛罕咧佫共儂相诤(chèⁿ/chìⁿ)“简、繁siáng好siáng呣好”即款食饱傷閒、無意義话题。  
続きを読む

卟看本頁進前，敬請各位儂客倌先鬥"Doulos SIL"即套字型，若無，犯勢汝會看著一寡亂碼，soah佫因為即款小可代誌來影響著汝啲閱讀佮汝啲心情，安呢我會真不安。感謝各位！   
続きを読む

《台灣囡仔》今仔日發表文章，講遘「漢語拼音」佮「漢字」ê問題。站長小欣MM有點名，beh瞭解一寡佮中國大陸有治代ê。Taⁿ，趁即个機會，坫chia做一个回應。  
続きを読む

Siūⁿ-beh tit-tio̍h bó· chi̍t-hāng mi̍h-kiāⁿ, ē kám-kak tio̍h i ê "kùi-khì"...
Beh án-nóa tit--tio̍h, si̍t-chāi chiâⁿ "hùi-khì"...
Tit-bē-tio̍h, hō· lâng chiok "siū-khì"...
Tit--tio̍h liáu-āu, siāng bô-chhái--ê sī "hòng-khì"...

Éng-tang-sî, siàu-liân bē-hiáu siūⁿ, Eng-gí bô chù-sin khì o̍h, taⁿ chia̍h-lāu m̄-chiâⁿ-iūⁿ, lóng khoàⁿ bô lâng leh siá sím-mi̍h, si̍t-chāi chin hiō-hóe, mā chin oàn-thàn.  
続きを読む

*文言文：著是「古漢文」。民國進前，漳泉儂kā號做「孔子字」。民國初年，五四新文化運動過後，官話白話文得著重視，並且代替「文言文」，成做現代中文「標准」啲書寫文體。佇這進前，文言文一直是漢人（唐儂/Tn̂g-lâng）社會唯一啲書寫文體。（Beh進一步瞭解「文言文」，請參考即頁）

*現代中文：又叫做「華語文」、「華文」，也著是「官話白話文」，主要是針對（中國）官話書面語作定義啲，所以，有時又佫叫做「標准現代漢語書面語」。現代中文應該理解做一種「書面語」，伊佮「普通話」啲區別，會使看做是書面語佮口語啲差別。現代中文是建立佇官話口語（北方話、普通話）規範化啲基礎上。官話白話文，按清朝尾hit陣chiah開始（佇北方話區）時行起來，「五四運動」了後，真緊取代「文言文」啲地位。此去，通過官方佮主流社會啲推廣，官話白話文真緊ùi北方傳遘南方，佇全國推行。

*漢文：普通時所講啲漢文，一般來講，kan-na包括「古漢文」佮「現代中文」。這以外，用閩南語白話（口語）、粵語白話（口語）、客語白話t.. t..無siâng啲漢語言（漢語方言 / 漢語族語言）寫出來啲各種「漢語方言文」，攏無算在內。漢文，佇中國大陸，有時簡單叫做「語文」；佇台灣，叫做「國文」。  
続きを読む

遘taⁿ為止，中文wikipedia對母語啲定義是安呢——

母語，嘛叫做「第一語言」，是一个儂自出世了後，上早學會曉啲語言，有可能是一種，嘛有可能咔加。一般來講，母語是咱自細漢來學、一直遘kah大漢、成儂攏有咧運用啲語言。咱所接受啲家庭教育、抑是講佇外口接受正式啲教育，特別是早期，透底是通過母語來完成啲。

母語啲運用能力，對咱日後啲學習過程來講，真正重要。因為咱咧想代誌、咧思考問題，透底是用母語咧做基礎，所以講，母語佇整個(chéng-kô)教育啲過程當中，實在有中心啲地位。假使母語學無倒，佫beh來學其它啲語言，可能著會加真艱難。

「母語」即个講法，有時仔會存在誤解。呣是講咱出世佇叨位、是啥物款啲血統，咱啲母語著一定hām he有治代。母語嘛無一定是母親啲語言，比論講有啲「父系社會」，母親可能來自無共啲語言區，Ah怹啲囝兒示細往往kan-na會曉當地啲語言，佫透底bōe曉母親往早啲語言。共款啲道理，有啲儂移民過番去外位，tiàm外鄉生根落箬（篛，hio̍h），怹後代囝孫仔啲「母語」，著無一定是先輩祖籍地啲語言。

對每一个普通儂來講，母語有可能呣nā一種niā，有可能兩種、三種、四種，甚至佫咔儕。代先學啲（語言），無一定比倒尾學啲咔熟手。

這著是中文維基百科啲觀點。

---

  
続きを読む

直直寫一寡佮閩南語有治代啲，寫久，呣免講「會臭殕」（chhàu-phú），總是，嘛會僐（siān）。儂講「食魚食肉，嘛著菜kah」，bōe使專食一項，咔bōe營養不良。今仔下晡，趁風颱猶未遘位，咔無代誌，無，來寫一寡 五四三啲、咔無相關啲。  
続きを読む

今仔日，又佫踅(se̍h)去遘taokara hit座「雙倒水別莊」，看著主儂PO一篇《講詩》佇面頂。我詳細讀煞了後，soah產生一寡仔真無字眼啲想法，順紲khêng-khêng啲，共tah出來——  
続きを読む

ＴＷＫＩＤ>>台灣．囡仔 啲主儂（girl 哦~~）佇伊啲BLOG内底寫講：

下昏去買宵夜卜食，和(hām)頭家娘攏總有三ê儂tī遐塊開講。
in有時--啊講台語，有時--啊講華語，擱m̄是華語濫tī台語內底講，是規ê用華語，有時規ê用台語。
聽會出in是講台語來大漢ê，我企tī遐聽，感覺足奇怪。
著哪親像有時企(khiā) tī台北街頭，看著两ê明明是台灣儂ê儂，煞攏用英語咧對談？
這ê國家，真正有奇怪。
莫怪頂擺林俊育先生真慼心(chheh-sim)塊講：「咱tī台灣，教台語講也會上新聞？恁看安呢有奇怪無？」……

  
続きを読む

Chòe-kīn tiāⁿ-tiāⁿ ū thiaⁿ-tio̍h chi̍t-kóa-á "cha̍p-im", lâi leh phì-siùⁿ Bân-lâm-gí-bûn (Bân-lâm-gí-jī, POJ, Hàn-Lô...), kóng hō-chò "put-tap-put-chhit". Kóng chin--ê, góa kiàn-nā thiaⁿ-tio̍h chit-chióng siaⁿ-seh, tē-it ê hóan-èng tiāⁿ-tiāⁿ kám-kah chiâⁿ siū siong-hāi; koh-lâi kám-kah chiâⁿ chhih-chha̍k; koh-lâi to̍h siūⁿ-beh kah i chèⁿ, kah i tú, siūⁿ-beh kā kà-sī--chi̍t-ē. Si̍t-chè-siōng chit-khóan ê tāi-chì sī tiāⁿ-tiāⁿ leh tú-tio̍h, ē-sái-kóng chha-put-to saⁿ ~ sì go̍eh-ji̍t to̍h-ē tú-tio̍h chi̍t-pái. Ta̍k-pái lóng kah lâng chèⁿ kah ām-kún-kin tōa-tōa-tiâu, si̍t-chāi kóng oân-á chiâⁿ-thiám, ah mā bô-khah-cho̍ah. Sū-si̍t-siōng lán nā ē-tàng léng-chēng, lí-sèng lâi khòaⁿ būn-tôe, tāi-chì to̍h-ē khah bêng-liáu. Ū-sim beh thui-kóng bó-gí ê lâng, ta̍k-ê lóng ài chim-chiok lâi chò chi̍t-ē chū-ngó· kiám-thó.

Lâng ē lâi phì-siùⁿ, soeh-bêng lán pún-sin ê kang-chok chò liáu koh bô-kàu, bô-hoat-tō· hō· lâng khéng-tēng, iáu-koh "ián lâng bōe tó".

Chit-chūn nā kóng-tio̍h bó-gí su-siá, m̄-sī "chôan-Lô", bô to̍h "Hàn-Lô", chiâⁿ-chió ū lâng ùi-thâu-kàu-bóe chôan iōng Hàn-jī--ê. Sū-si̍t chèng-bêng, bo̍k-chiân ē-hiáu siá bó-gí ê lâng só·-chiàm ê pí-lē chin-kē, tōa-tō-sò· ê lâng iáu-koh sī bó-gí bûn-jī ê chheⁿ-mê-gû. Hiān-chú-sî, bāng-lō· chiah-nī hoat-ta̍t, jīm-hô lâng lóng-ū ki-hōe tiàm sòaⁿ-téng khóaⁿ-tio̍h lán ê bó-gí bûn-jī. Nā chìn-chêng lóng bô chiap-chhiok--kòe ê lâng, tiāⁿ-tio̍h sī khòaⁿ-bô leh siá sáⁿ. Sio̍k-gí-kóng "sè-kan cha̍p-sek-lâng", ū-ê lâng i khòaⁿ-tio̍h chit-khóaⁿ bûn-jī, ē kám-kah hó·ⁿ-hiân, siūⁿ-beh lâi o̍h; koh ū-ê ē kám-kah chin thó-iàm (ià), i ē kóng: "ná lóng khóaⁿ-bô lah? Siáⁿ-mi̍h oáⁿ-ko jī...O·-pe̍h siá..." Án-ne chok-chiá kah tha̍k-chiá ê chhiong-tu̍t mā khai-sí--a. Góa kám-kah tho̍k-chiá bô-hoat-tō· jīn-tông bú-gí bûn-jī, tû-liáu kah hiān-kai-tōaⁿ "Hàn, Lô hūn-lōan" ū tī-tāi í-gōa, siāng-kài iàu-kín ê gôan-in hōan-sè sī lán tùi siā-hōe tāi-chiòng soan-thôan la̍t-tō· bô-kàu.

Kóng kàu chit hong-bīn ê būn-tôe, Tân-Tēⁿ Hông-giâu sian-siⁿ ê khòaⁿ-hoat ta̍t-tit ta̍k-ê kiōng-tông lâi chham-khó :

Bûn-gē/bûn-ha̍k, siang-gia̍p, ìn-soat chhut-pán, tiān-chú chhut-pán (bāng-lō· téng-téng), kàu-io̍k, siā-khu, ha̍k-su̍t...ta̍k-hāng lán tio̍h-ài chò. M̄-koh khó-sioh lán iáu-bô tōa kah ē-tàng hun-kang, ē-tàng bô kāng lâng tī bô-kâng ūi-tì hoat-hui. Ē-sái kóng chêng-kàu-taⁿ Tâi-gí-bûn ūn-tōng chha-put-to sī 1-ê "bûn-jī chhut-pán ūn-tōng", chiū-sī thàu-kòe bûn-chiuⁿ éng-hióng lâng ê su-sióng, kè-ta̍t-koan, kap hêng-ûi. Lán pí-kàu khah bô tiōng-sī kî-thaⁿ ê mûi-thé. Chhin-chhiūⁿ bo̍k-chêng tiān-sī ta̍k-ji̍t ū Kheh-ōe báng-gah(Ang-á-chheh), bô Hō-ló-ōe báng-gah, lán mā bē khì khòng-gī (khó-lêng in-ūi lán chia-ê lāu-lâng [30 hòe í-siōng] bô teh khòaⁿ báng-gah), mā bē siūⁿ beh khì kā lâng bé pán-kôan phòe Tâi-gí im, Tâi-gí jī-bō·. Tiong-sán-kai-kip ê "(Au-chiu) kó·-tián im-ga̍k" hòng-sàng-tâi bô Tâi-gí, lán mā kám-ka̍k chin chèng-siông, mā bē khì kā lâng khòng-gī a̍h-sī khì éng-hióng tiàm hia kóng-kò ê kóng-kò bé-chú, a̍h-sī kā lâng bé Tâi-gí kong-ko khòaⁿ in káⁿ hòng-sàng--bô.

Tâi-gú-bûn ūn-tōng ki-pún-siōng sī 1-ê "reactive" m̄-sī "pro-active" ê hêng-ûi bô·-sek: ē hóan-èng, bē chè-chō sū-kiāⁿ. 2000 nî ê Hôa-gí phèng-im sū-kiāⁿ kàu chòe-kīn ê bûn-giân-bûn sū-kiāⁿ lóng sī chit-khóan bô·-sek. Si̍t-chāi kóng, lán tio̍h kám-siā hóan-tōng-phài chè-chō ūn-tōng ê khong-kan hō·--lán, bô in lán a̍h-soah ū seng-chûn ê ì-gī?

Tâi-gí-bûn èng-kai ta̍k-nî kiám-thó hit-nî kok-lāi-gōa ê "gí-giân sū-kiāⁿ". Bô kâng--ê thôan-thé chi-kan èng-kai kiàn-li̍p 1-e khah it-tì ê khòaⁿ-hoat ("chàn-sêng/hóan-tùi Eng-gí kàu-io̍k?", "gōa-kok sin-niû ê gí-giân kàu-io̍k kap tē-2-tāi ê gí-giân būn-tê", "bô-kâng cho̍k-kûn thong-hun tē-2-tāi ê gí-giân kàu-io̍k būn-tê", "chèng-hú kám èng-kai chiam-tùi tiān-sī jî-tông chiat-bo̍k ê bó-gí pí-lē kóan-chè?", "kám ū su-iàu 1-ê Hō-ló-ōe Tiān-sī-tâi?", "Hêng-chèng-īⁿ Hō-ló-ōe Úi-ôan-hōe?", "gí-giân jîn-kôan kám ū su-iàu ji̍p-hiàn?", "jî-tông-cheh, chheng-liân-cheh, bó-chhin-cheh, hū-chhin-cheh, kàu-su-cheh kám ū su-iàu phòe-ha̍p bó-gí?", "tùi ISO-639-3 tēng Bân-lâm-gí tāi-bé "NAN" kám ū ì-kiàn?", "Kám ū su-iàu hām Kheh-ka thôan-thé chiam-tùi bó-gí būn-tê ta̍t-sêng chiàn-lio̍k-sèng ê kiōng-sek?", "Kok-hōe kám ū su-iàu siat hoan-e̍k chè-tō·?", "kám ū su-iàu ta̍k-nî tùi-gōa kong-pò· 1 hūn 'Tâi-ôan Bó-gí Cho̍k-kûn tùi hit nî ê Koan-chhat kap Kiàn-gī'?", "kám ū su-iàu kó·-lē Tâi-ôan iá-seng-tōng-bu̍t thôan-thé te̍k-pia̍t chú-ì iá-seng-tōng-bu̍t ê hui-Hôa-gí miâ-chheng?", "beh án-chóaⁿ kó·-lē siàu-liân-lâng hō·-siong kóng bó-gí koh bē ngāi-gio̍h?", "Tó-1-ê chèng-tī jîn-bu̍t si̍ 2004 nî siōng ūi bó-gí phah-piàⁿ ê lâng? Sī m̄ sī ài pan 1-ê chióng hō·--i?"), saⁿ-kap ha̍p-chok ê kang-chok bo̍k-phiau. Bô hoat-tō· ta̍t-sêng kiōng-sek ê só·-chāi (iōng-jī, phèng-im) chiām-sî mài chhap.

Chóng--sī, ài tī siā-hōe kok léng-he̍k sū-li̍p (Hàn-jī:樹立) bó-gí kôan-ui, chhòng-chō bó-gí ê tho̍k-siá khong-kan, chhan-chhiūⁿ Hiong-káng ê Kńg-tang-oē án-ne kiàn-li̍p kóng-hōan ê kûn-chiòng ki-chhó·, chiah ē-tàng hō· bó-gí hó-hó thn̂g-thòaⁿ--lo̍h-khì.  

台灣啲朋友，透底有聽過安呢啲一句話：福佬語當咧掛號；客儂話扛入去急診室；原住民族語早早倒伫加謢病房。最近，伫閩東語論壇遐(hia)看著一个互儂公投啲话题，目的是beh评判現此時“福州話啲危急狀況”。伫即个議题内底，提供beh互網民做公投啲選项拢總有七项，每一選项算一个级声。级声上吤悬(kôan/kôaiⁿ)啲，嘛是上安全啲，排伫第一项；愈倚後壁，级声愈下(kē)，危险啲程度嘛愈悬。即个公投啲議题程式，聽講是伫一擺“國際瀕危語言學會議”（2000年2月，德國科隆）當中代先提出來啲。在下看过了後，感覺不止仔有意義，參考價值嘛真悬。Taⁿ，咱著來看māi——

1. 安全的語言(safe)：前景真讚，群體内，所有啲成員包括兒童拢咧學習佮使用啲語言。

2. 穩定，又佫受威脅啲語言(stable but threatened)：群體内所有成員包括兒童拢咧學習佮使用、不而过總儂數真少啲語言。

3. 受著侵略的語言(eroding)：群體内部，有啲成員已經改用别種語言，不而过，猶有一部分成員包括兒童囡仔猶原有咧學習佮使用啲語言。

4. 行遘危險地步啲語言(endangered)：所有啲使用者年嵗拢超过20，這以外，群體内部啲兒童囡仔拢呣佫再學習佮使用啲語言。

5. 十足危險啲語言(severely endangered)：所有啲使用者年嵗拢超过40，這以外，群體内部啲兒童佮 少年家仔，拢無咧學習佮使用啲語言。

6. 强卟滅亡去啲語言(critically endangered)：干凋偆一半个仔70嵗以上啲老嵗仔猶咧使用，這以外，群體内部啲成員透底拢已經放捒去啲語言。

7. 作古去啲語言(extinct)：無儂使用啲語言。

即项针對福州話啲調查显示，大多数參與投票啲儂，認為福州話目前啲处境，量其约是排伫“第3项”~“第4项”之間。會使講，情形互儂烦恼。

這是福州话啲情形。亦事實來讲，現此時，大多数啲漢语方言，拢掺福州話差無吤儕，龟仔莫笑鱉！閩南語嘛是共款。各位儂客倌，逐个聽好(thèng-hó)家己去排比一下。

有啲儂犯勢會講：廣東話會咔樂觀淡薄。無呣著，所以，按照我個人啲標准，香港粤語我暂時會替伊選“第2项”。不而过，照目前啲情形佮趋勢(chhu-sè)來看，呣免偌久，伊著會跋(po̍ah)落遘“第3项”，甚至“第4项”。道理真简单，mandarin實在真強、真野死。