鹭水芗南-闽南语部落

http://tech.163.com　2006-03-21 09:17:08　消息源頭: 驱动之家(郑州)

上新的網路安全通告講，佫再發現著MS（微軟） IE瀏覽器存在一个真正嚴重的破空。報導透露講，目前針對即个危險漏洞的「概念驗證型代碼」嘛已經出來囉，並且真簡單著 聽好（thèng-hó） 互 IE 神魂四散、死kah硬硬，用戶 准講 是 kā Windows XP SP2 提前注射預防（拍補丁）嘛共款無咔choa̍h。  
続きを読む

小泉 照时照顿 去咧 拜鬼，诚侪 中国侬 气kah phut-phut-tiô，一腹火 强beh 忍 bōe 落来。我讲中国侬实际免hiah紧张，若会当暂时先将道义放一边，换一个角度，泠静来看待小泉即出小鬼仔步，形势 hoān势 soah拢变倒过来，变kah对中国真有利。敢有影安呢？看māi 汝着知：

　　日本军国主义阴魂不散，着若像「互汝跋倒」（哈利伯特）即出故事内面 hit箍 伏地魔，不管时着咧走找机会，数想beh 借尸还魂。侪年来，关于日本政客朝拜靖国神社的问题，一直是东亚地区和平佮安定的一粒定时炸弹。Nā即点，中、韓、朝三国拢诚清楚，呣佫世界真侪国家拢看无、想无。即摆，好佳哉 是 日本仔数想beh做联合国常任理事，想kah beh起痟，又佫车盘hiah-nī thiám，才来引起中朝韩三国民众强烈反弹，几落千万侬相争签名顿印起抗争，着是安呢，世界才通了解日本万恶、卑耻的真面腔，才通了解日本侬无影咧改过自新。即mái 拄好遘kah世界各国纪念反法西斯战争60周年的流摆，iah日本侬偏偏beh伫咧即款敏感时期硬斗拜神祭鬼。中国 本成有空着咧找无榫啊，即摆拄好趁着机会，顺sòa无加工，tiàm联大kā修理理的，tu̍h一个互去哀父叫母。这敢讲呣是好代誌？Iah nā即阵，上无， 白当大日无侬敢讲日本政府拜靖国绝对hām往早罪恶的历史无牵碍。会用讲，中国阻挡日本入常，不但代表着本国佮侪侪厝边国家的民意，又佫是有效来约束着日本国内愈来愈chhàng鬚的军国主义。中国即mái手头攑的即叢旗，讲咔水气的，he是表示讲咱全心全意咧维护反法西斯战争的胜利成果，咧维护联合国的宪章，咧保卫地区佮全世界的和平！咱是咧替天公伯维护正义！这叢旗当然嘛嗳攑，攑愈悬愈好。  
続きを読む

　 昨昏，中国為着日本首相小泉纯一郎佫一摆参拜靖国神社做出强烈的反应，外交部长李肇星紧急召见日本驻华大使表示严厉的谴责；这以外，原底按算beh坫北京举行的朝核问题协商嘛随取消去。

　　李肇星昨昏下晡紧急召见日本驻华大使阿南惟茂，向伊表达中国政府对小泉纯一郎参拜靖国神社的不满佮抗议。

　　李肇星说，“伫咧近代历史上，日本军国主义对中国人民的伤害第一深、第一重”，小泉纯一郎“甘愿将数十年来两国侪侪先辈为着中日友好事业所拼来的、所粒积的成果矴擜捒（tàn-hì-sak），硬斗beh行即条错误又佫危险的路，这真正互侬感觉愤怒，互侬无法度吞忍。”  
続きを読む

2005年10月12號中國成功發射「神舟六號」太空飛船，隔轉日，日本《讀賣新聞》隨發表社論講，中國的航天科技當咧快速發展，並且已經取得了真大真好的成就；講日本過去確實傷過看輕中國強大的科技實力，（日本）佇航天領域已經輸中國輸足儕足儕。  
続きを読む

　　因為中國咧發展實在真緊，進前日本已經為著中國來改變地緣戰略，即擺連國內的政治趨勢嘛受著中國的影響。對日本來講，自1990年出現泡沫經濟過後，十幾年來，伊上煩惱的著是即个厝邊一工一工咧轉大(tńg-tōa)。

　　Khêng實（其實）互日本儂感到第一煩惱的，呣是中國目前的政治、經濟佮軍事實力。Beh講經濟，現子時 中國對日本並無形成明顯的威協，顛倒是兩國之間的互補愈來愈明顯，汝共看：日本的優勢在電子産品、工程技術佮汽車工業；ah nā中國的優勢是hiah-ê勞力成本咔kē（下：低）的加工製造業。韓國一寡仔一粒一（it-lia̍p-it ：頂尖）的跨國公司才是日本真正的對手。Nā高科技即方面，中國對日本的競爭猶比bōe過意大利（義大利）。  
続きを読む

(Limkianhui編譯)

最近伫民意論壇，有看著幾若篇文章，透底是咧強調“漢文化對台灣來講真正重要”即款啲主题，除去進前蘇菲亞講遘台語（譯者注：闽南语）著是文言文以外，6 月11號，踮民意論壇，又佫看著（台北市台語漢文教學研究會會長）陳殿冠先生發表啲文章。伫即篇题目號做“擴大支持人數才是保台獨之道”啲文章内底，猶原是會當來鼻著“不可割断漢文化”即款啲氣味，不而过，文中所透露啲訊息，筆者實在是無法度認同。

頭起先，陳先生講遘怹院啲內底，儕儕長老级啲，透底拢幐(thīn)綠營，有啲儂看著台日（譯者注：台灣日報）啲讀者咧評論講「大多數台灣儂啲祖先是百越人」了後，竟然當場掠狂起來：「看bōe落去也，唉 (hé)…講恁父是番仔！」……陳先生伫文章内底佫寫講，共款啲情形，一年外來，伊是定定有咧拄著。

文中另外有一段佫講：「即擺有儂講台灣儂是『百越人』，鼓吹台灣儂著噯放捒『漢人情結』……這拄好違背人類『認同高尚』啲天性」。

看遘遮，筆者實在完全無法度相信家己啲雙目，taⁿ啥物時代也，猶佫有儂用即款漚古啲眼光，看bōe起「番仔」、看「番仔」無目地。設假怹家己啲祖公祖嬷確實呣是漢人，是真真正正啲百越人，安呢是叨位咧可耻？是叨位咧呣好？敢講百越著一定是番仔，敢講番仔著咔無路駛呣？平平拢是出世來做儂，敢講汝漢人著咔高貴，亦番仔儂著咔低路呣？

何況講，在筆者目前所瞭解，講遘台灣儂啲血脈，到底佮所謂啲漢人有啥款啲關係，佫需要學界進一步來分明﹔往過透底食認家己是漢人、祖先全部拢是唐山儂，這犯勢有真大啲問題。手咧寫中文漢字，喙咧講中原古音啲台语、客语，實際無一定是漢人。数十年來，台灣啲變化吤緊，頂缘啲序大儂，客话、台语透底猶佫诚輪轉，不而过少年囡仔诚儕拢bōe曉通講也，怹啲「母語」，事實已經變成華語。照即款笵勢（pān-sè）佫过一代，若准無儂講起，我看迄陣啲台灣儂，定著會認定怹家己啲家族本底著是華語族群。強食弱，勝者為王，佫加政治勢力鬥推捒，遘尾仔強勢文化完全食掉、完全改造弱勢文化，實在呣是啥物怪巧啲代誌。所以，現此時，認定講家己著是正港啲漢人，應該是猶chhōe bōe著硬拄硬啲理由佮根據，講咔透白啲，只不过是“家己講家己話”爾爾。

用筆者家己啲經歴來做一个比論，細漢時接受國民（黨）教育，直直當做家己是中國儂，有時佫會去比照一寡課外册，注心卟伫家己啲身躯頂揣出“正港漢人”啲特徵，若有揣著相共啲著歡喜kah、畅kah。這以外，因為教科書啲「介紹」，頭壳内一直透存在著一寡错误啲歷史印象，定定想講（認為）伫中國即塊土地上，除去漢人以外著無别啲族群，其他族群拢踮伫中國以外啲所在咧哼呻(hàiⁿ-chhan)﹔又佫相信講，台灣四百外年前是無儂徛起啲孤島，島上四界拢焦一寡野獸精牲，一直遘kah漢人來台開荒(khui-hng)了後，台灣chiah開始脫離hit款“穢世（è-sè）” 佮“野蠻”，chiah真正“活起來”。後來，慢慢仔瞭解著佫咔儕啲课外智識，原底hiah-ê錯誤的觀點，自安呢沓沓仔(ta̍uh-ta̍uh-á) 拚拚擜捒(hìⁿ-sak)，開始重新來思考家己啲根源，思考咔早呣捌思考过啲事事项项。遘尾仔，chiah知影講以早硬互儂灌落“漢人沙文主義”啲迷魂藥，實際是“家己看bōe著耳仔”，著親像古井底啲水雞，bē佫厚性地。

路尾，嘛是序大儂來講起，筆者chiah知影講，家己啲阿嬷是平埔番，iah自使講筆者啲阿公啲阿公真正是按中國福建某一个所在蹽过來啲，he嘛干凋代表筆者有一部份漢人啲血脈而己，假使若硬卟照搬頭先hit个 “掠狂啲”啲理路，安呢，筆者知影講家己有透濫平埔族血統了後，呣著噯開喙幹三代：「啥物仔碗糕！經體我番仔著准煞也，佫kā恁父詈雜種仔！」

相信講儕儕認同台灣國家主體性啲朋友拢有共款啲看法，強調血統實在無啥意義，陳殿冠先生啲文章嘛有講遘，無論種族、文化、語言、風俗，只要認同台灣即个國家就是台灣儂。不而过，筆者卻是伫hit个起狂啲朋友身上，鼻著真重真重啲“漢人沙文主義思考模式”啲氣味，bōe輸只要有儂講汝呣是漢人、呣是正港啲漢人，汝著講儂呣著、講儂無尊重汝（在筆者對中國歷代變遷啲認識，認為講台灣並無正港啲漢人）。即款啲思考模式，敢講bōe龜怪？

當然，去中國化呣是卟放捒中國文化，前者是咧講政治、後者是咧講文化，漢文化伫台灣文化當中佔重要地位，這是事實，不而过，萬项拢卟强求正統漢族文化，絕對無健康，對台灣啲國家正常化嘛無任何啲幫助。若卟讲漢文化對台灣有啥呣好啲，筆者啲觀點是：死守正統、重古輕今，正正是漢文化束縛台灣正常發展啲一个真不利啲因素。

PS.
原文：華文，作者：阿君仔，發表伫“台灣日報民意論壇（2005/06/12 ）”，標頭：是番仔何辱之有？（原標頭：是番仔又如何？）  

譯文：闽南：Limkianhui


　　(原文——華文:《反击“我曾是一名丑陋的中国人”》 作者:中国深圳 伍 2005-06-23)
　　前几日，伫早报(注:联合早报)顶面看著一篇号做”《我捌做过下路(kē-lō·)啲中国侬》”(華文:《我曾是一名丑陋的中国人》)啲文章，看了感觉真bōe爽。本然想讲犯勢无侬会同意即款糞扫(pùn-sò)文章，無疑悟路尾soah收著幾若张共款啲转发邮件，看勢是有必来回手一下，咔bōe互侬白白布染遘乌。为著方便起见，下底用《下》文来代表迄篇代替迄篇文章。  
続きを読む

(翻譯／Limkianhui)

當今國際關系啲基本道理，會使講是純粹啲利益交關，無永遠啲朋友，嘛無永遠啲敵人，只有永遠啲利益。雖然真儕中國儂透底了解即个基本道理，不而過有時仔總是會受著感情因素啲纏絆，可比講，對待新加坡，真儕中國儂往往因為感情方面放bōe離，soah將怹當做是遠親來咧看待。中國儂定定有即款想法，認為講既然全世界啲猶太儂攏為猶太儂，安呢，全世界啲華人嘛應該為華人chiah-tio̍h。新加坡是一个華人佔多數啲國家，國土摻中國也無交插(kau- chhap)，應該無啥物利益啲沖突。過去，因為中國鬧“極左”、鬧“輸出革命”，確實捌因為安呢來影響著兩國啲關系。不而過，遐攏古早時代啲代誌嘍。 “階級鬥爭為綱”早著已經過去，現此時，中國是全力來咧拼經濟，改革開放，歡迎外資。亦新加坡佮中國共文共種，佫平平用簡體字，怹不但是有了解西方，而且又佫熟似中國，定著會成做”中国改革开放、经济发展啲受益者”。所以，中國儂一貫真自然著共新加坡當做是朋友，對怹一再吞忍，一再優惠。中新建交以來，兩國貿易額、投资额大幅度增長，亦中國甚至猶佫聘请新加坡一寡仔有頭有面啲儂來做國策顧問；將海峽兩岸啲“汪──辜会谈”安排佇新加坡來舉行…應該講，中國已經真顧新加坡面子嘍。呣若安呢爾，佇東南亞金融危機啲時，中國無顧家己咧食虧，堅持人民幣呣貶值，佇關鍵啲時陣，替東南亞各國穩定貨幣行情，實際是直接來咧幫助新加坡。逐个攏知影，金融業是新加坡啲支柱產業之一。中國犧牲自已，穩定金融，即中間新加坡得著啲利益上吤儕。中國為新加坡所做的，實際上已經超越國際關系啲基本原則，一再為伊犧牲家己啲利益。中國是真真正正將新加坡當作是朋友佇咧看待。不而過，新加坡又佫是安怎來咧對待中國咧？

>新加坡早著聲明，佇東南亞，一定beh等遘最後一个chiah摻中國建交，亦建交了後照原beh維持hām臺灣啲軍事合作關系。對對，伊有影講會遘，做會遘。

> 李光耀、吳作棟一再講起：中國啲成長是世界上大啲挑戰，將來亞洲會穩定bōe穩定，噯看咱安怎對待中國啲崛起。李光耀甚至佫講，作為中國儂啲後代，伊知影中國儂真敖吞忍，嘛知影中國儂爆發力真強，真敖抾恨…東亞、東南亞啲國家咔早攏捌得失著中國，一旦中國沖起來，遮个國家必然會受著中國強烈啲報復…所以噯永遠互中國做二流國家。

>新加坡一再鼓吹美國是東南亞重要啲平衡力…美軍退出菲律賓基地了後，新加坡趕緊表示講伊願意補即个空缺(khang-khiah)，現此時，新加坡已經成做美軍佇東南亞唯一啲據點。  
続きを読む

遘taⁿ为止，這只不過是風聲爾。根據了解，晉前從來呣捌有半个福建儂任職中國國臺辦。觀察人士認為，互福建儂來做臺灣工作是一層好代誌。福建社科院院長嚴正、福建省社科院臺灣研究所所長吳能遠攏表示講，福建儂做工灣工作有特殊啲優勢，福建佮臺灣，佇地緣、血脈、文化各方面關系密切，大多數啲台灣儂祖地佇福建；福建儂比國內其它所在，佫咔了解臺灣人民咧想啥，嘛咔知臺灣啲情況，佮臺灣儂啲溝通會咔通徹。聽講，以前，中國有啲專家嘛捌向中央建議互福建儂入國臺辦，不而過中央並無采納。今年全國“兩會”期間，更加有政協委員呼籲大量增加國臺辦福建儂啲比例，特別是閩南籍啲福建儂。

專家認為，即擺中共中央決定卟調福建在地官員入京，嘛說明福建佇對臺工作當中的地位當咧提懸，中央嘛希望未來制定兩岸政策啲官員，會當對閩南文化有咔深咔儕啲了解，安呢纔會當得著咔儕臺灣儂啲支持。  

(原文：《从台湾民视谈开去》,華文,陈海,四川省)
(譯文：閩南；譯者 LimKianhui）
踏頭话：先講代先，某儂翻譯即篇文章，完全是因為「趣味」，無代表某儂ê觀點，內底所議論ê話語，佮某儂無治代……

　　有一间台湾啲电视台，叫做“民视”，全称是“民间全民电视公司”，英文台号是“FORMOSA TV” ，是一间佮“台独”背景有关系啲电视台。民视啲节目当中，我感覺上吤有趣味啲是，第一、电視节目透底(thàu-tóe)采用台语，也着是闽南语播送；第二、对中国大陆直接称呼“中国”，當作外国看待；第三、一寡新闻性啲节目，比论“头家来开讲”即款啲，定定会得听着台独人士啲主张。最近中国国民党主席连战带隊遘中国大陆访问，民视台特别闹热，节目有够丰富，信息量有够大，人物有够儕，报导啲事项一層紲一層。本然，我对台独覌点呣是真清楚，通过看民視台啲节目，互我对這有佫咔深啲了解。不而过，我发现，民视啲舆论作用并無親像怹家己講啲遐呢(hiah-nī)公正；台独啲思想佮怹啲表达方式猶原猶佫無法度互儂信斗(sìn-táu)，上无，会使讲犹佫真稚(chíⁿ)；台湾啲制度嘛無像怹家己講啲遐呢好，犹無算正港啲民主。

有寡仔物件（現象），略仔(lio̍h-á)值得議论：

　　第一，民视共(kā)中国大陆完全看做是外国。我啲感觉是，民视真正啲功夫伫(tī)喙舌，台独真正啲本事嘛共款是用喙咧讲爾(niā)。“头家来开讲”即套节目啲主持人胡婉龄小姐上gâu共侬烏白牵拖，烏白經體 (keng-thé)，互儂感覺伊亲像是常在(chhiâng-chāi)咧互侬苦毒啲新妇仔(sin-pū-á)。比论讲，连战伫南京讲來遘大陸是“相见恨晚”，胡小姐七鬥八鬥，讲“连战为何呣願意佮阿扁仔見面”；佫來，连战伫中山陵讲起孙中山在生晉前讲过啲“和平、奋斗、救中国”，胡小姐着抵(tú) 讲“是安怎呣救台湾”……其他啲独派人士嘛是安呢。我咧想，假使台湾独派人士看朆合(bōe-ha̍h)国民党啲“一中 ”，骂国民党扶(phô·)中国大陆啲LP，出卖台湾，安呢怹家己聽好(thèng-hó)先取消“国统纲领”，即時宣布独立着好也(a)哩！设使真正 “正名”成功，安呢卟(beh)骂连战嘛咔有理由，若无，汝根本無理由骂连战。我咧想，独派人士应该猶無即个本事。所以，怹干凋(kan-ta/kan- na)会當變弄(pìⁿ-lāng)一寡文字把戲，“一暝全步数，天光無半步”，普通時仔是讲及(kah)喙角全波，事實心肝頭拢嘛真无奈，只好囥 (khǹg)一腹肚火，不管時來咧起性地。

　　第二，所有啲台联佮民进党人士，透底(thàu-tóe)性地真爆躁(po̍k- sò)。怹伫咧节目当中发表議论啲时，声嗽(siaⁿ-sàu)拢嗳比国亲两党啲人士咔大，比手弄蹄，肏膣撬螺(chhò-chi kiāu-lê)。呣佫，道理無侪。会当看出怹啲基本政治素质。怹讲连战去大陆应该要求中共将飞弹搬捒(poaⁿ-sak)，并且保证呣用武力威胁台湾啲民主自由。怹其實拢嘛真清楚大陆啲飞弹是对凖啥物侬。台联党有一个头侬将贞操带扎扎來做节目，讲是卟送互连战，叫伊去大陆啲时嗳保持台湾侬啲立场。即款出頭，實在讲，無输(bô-su)若(ná)三岁仔咧扮公伙仔。高雄有一个绿营立委咧竞选啲时，伫选民啲面头前，手攑刣牛刀，做出卟刜(phut)胡锦涛头壳啲屈勢，讲号做“lia̍h贼先lia̍h王”。即款撇步，当然有合(ha̍h)遐个無品味侬啲氣口；不而过，soah互侬感觉台独人士“變無 báng”也、无法度也。讲實啲，怹是眼光伤过短(té)，腹腸伤过隘(oe̍h)。自古以来，靠即款侬來拍天下，呣捌有成功啲。

　　咱拢知影，台湾啲选举文化，全世界佫chhōe無第二，伊無親像西方国家，嗳由社会民众來考评侯选人啲公共形象、学识能力、以及对国家人民是呣是負责任。台湾啲侯选人代先嗳學会曉安怎相骂，佫來嗳学会晓降下家己啲身份掺普通侬共款，这点绿营人士做及(kah)真巧氣(khiáu-khùi)，實在真無简單。比论讲踙(chhōa)群众冤家、惹事等等。因为有够“親民”，结果，百姓往往認為即款侬会当交心，甘願選伊。所以咱看台湾政坛，会使讲是芋仔蕃薯濫掺(lām-chham)做一堆，素质悬下(kôan-kē)差吤儕(kài-chē)；詈骂(lé-mē)佮恐吓(khióng-hat)吤時行，话屎掺拗蠻(áu-bân)加足(ke-chiok)儕。會使讲，台湾啲民主并呣是一个成功啲例。台湾今天啲民主实际是“小岛本土乡村文化”透濫着财富啲怪胎。

　　台独人士啲观点佮做法是，封锁消息，割断交通；有合(ha̍h)着怹啲意，着有道理；無合怹啲意，着是无道理；死龟诤及 (kah)活鱉，呣着(ti̍oh)硬拗kah着(ti̍oh)。凡若(hōan-nā)是中国大陆啲代誌抑是物件，好歹拢是歹啲。怹看朆着中国大陆近年来啲发展佮变化，干凋知影經體(keng-thóe)、咒讖(chiù-chhàm)、抾恨(khioh-hūn)中国大陸。一寡仔所谓啲台湾民主人士佮台独人士不管時來咧摳洗(khau-sé)大陆是专制佮独裁。拆白讲，好佳哉，大陆即阵無实行台湾迄款制度，若無，稳当比台湾佫咔乱，百姓会佫咔不幸。需要说明啲是，凖讲大陆來實行台湾迄款制度，安呢台湾不但无可能独立，颠倒统一嘛會加真紧。讲實啲，阻止台湾分离啲，呣是干凋中国共产党，he是中国五千年啲历史佮文化，是中国目前十三億啲人民。设使干凋用公投來决定是呣是武力统一台湾，我看台独人士根本无可能像即阵安呢遐呢仔(hiah-nī-á)好食睏，犯勢嘛无機會伫遐咧喝(hoah)独立。 有寡仔台湾侬若是连即點也看无，實在有够悲哀。

　　其实台湾独立派人士从来呣是因为反共才卟來反对中国大陆，現白讲，怹是咧反对“台湾属于中国领土”即个事实啲代誌。所以，咱嘛真容易理解是安怎怹咧对待本岛内部主张“一中”啲侬啲時，是遐呢仔壓霸佮chhàng鬚，害及(kah)遐个本然主张“一中”啲聲音,即陣拢驚及呣敢佫出聲。會使講，台湾啲民主是十足啲民粹。连战啲话原在不止仔在理。

　　第三，看独派人士啲政治智慧。伫独派人士当中，李登辉照讲是智慧上悬(siōng kôan)啲领袖。咱看伊会当掌控国民党十年，紲落來(sòa–lo̍h-lâi)佫共(kā)国民党舞及(ka)浪家散宅(lōng-ke-sòaⁿ- the̍h)，實在是一位真真正正啲大敖侬(tōa-gâu-lâng)。現主時，伊虽然八十外外，猶原佫咧四界走闯(cháu-chông)、鼓吹 (kó·-chhui)煽動，伊确實是一个真够格啲独派精神领袖。呣佫，台湾實在伤细，离大陸又佫伤近。呣管伊安怎車盤，嘛无法度改變即款啲事實佮道理：第一，中国大陆愈來愈强，遘迄阵，台湾独立已經完全無可能；第二，台湾问题愈來愈呣是本岛侬家己会当决定，伊是由着国际各种力量平衡了後來决定。所以，李先生真食急，真正食急。伊知影時日無儕，目睭金金看即陣台湾独立猶未成做岛内啲共识，嘛无法度成做国际共识。是讲，伊又佫“狗咬铁釘仔尾——呣甘放”， “程咬金六出祁山——拖老命”，伊四界走闯、四界投，希望会当伫短期内一步一步來實現建國啲美夢。即擺連戰出訪中國大陸，李先生實在拢朆食朆睏，經體連戰是咧番颠、时空错乱。李先生講，凖講两岸卟談，嘛嗳揪(giú)日本佮美國做夥來，而且嗳踮(tiàm)外國某一个所在谈。台湾问题国际化，這是独派人士代先想卟达成啲目的。不而过，中国即阵已经呣是以早啲大清国，嘛呣是毛澤東、蔣介石啲年代，今仔日，伫即个星球顶面，無侬有才调、無侬有法度共台湾问题国际化。上吤根本啲原因着是，大陸永遠無通(bô-thang)。

　　所以，我個人认为，只卟李登辉先生佫伫咧(tī–leh)，台湾独派人士算讲猶佫有朆少(bōe-chió)啲政治智慧，呣佫，上帝嘛无法度赐互怹表演啲戲臺，無赐互怹好啲時機，無通互怹親像摩西安呢“行出埃及”。因此，上帝只好目睭金金咧看怹家己啲造化：若卟理智，是顺应潮流；若卟激khám，是死路一條。

　　總講一句，看民视啲节目，互我看着台湾独派啲性素佮作为，看着怹為卟分离所做啲儕儕努力，看着怹常在(chhiâng-chāi)來咧起鑼動調，当然也有歡喜啲场面。總是，我有一个印象，着是讲，卟靠即阵侬拼天下，無可能会成。因為怹否定啲伤儕，留互家己啲伤少，包括空间佮時间。  

公元2005年4月4號啲下晡時，台湾团结联盟（简称"台聯党"）啲党主席苏进强，踙(chhōa)一篷(phâng)儂，去东京参拜"靖国神社"，成做有史以來，頭一个参拜靖国神社啲台湾政党頭儂。

下底是媒体报道"苏进强发表啲言论"——

>>苏进强当场面对记者发表讲话，呼吁亚洲人民"将历史啲恩怨佮仇恨放一邊，注心來追求未来啲和平佮安全"。

>>苏进强讲，伊本儂是"徛在台湾儂佮台湾本土政党啲立场，对着二战期间，去互日本军队招去前線战场，路尾失去性命，现主時又佫供奉伫靖国神社内底，量其约2万8000个台湾儂，佮遐个(hiah-ê)为国牺牲啲日本儂表示敬意"。

>>伊（苏）表示，"全世界任何国家啲人民拢会当自由來表达对遐个为国牺牲啲军人、政府官员佮老百姓啲尊敬，日本儂对靖国神社啲看法该當得着尊重"。

>>讲遘"以中国为主啲亚洲国家反对日本首相小泉纯一郎参拜靖国神社"辷層代誌，苏进强指出，"中国啲观点無法度代表全世界人民啲观点，嘛bōe當代表台湾啲观点"。

>>伊（苏）讲，"中国是用仇恨啲观点来咧看待靖国神社，伊個人佮台联党、以及多数啲台湾儂拢無认同（中国）啲看法"。

紲落來(Sòa--lo̍h-lâi)，各界对苏进强言行啲反应——

>>伫台北，台湾原住民立法委员高金素梅昨昏去台联总部，抗议苏进强参拜靖国神社。

高金素梅指出:"苏进强今日仔若是日本儂來讲，伊走去参拜靖国神社，安呢我無话通讲，不而过伊苏进强明明是台湾儂，竟然做出即款离经(lī-keng/荒谬)啲代誌，實在互儂無法度理解佮吞忍"。高金素梅做一个比论，伊讲"换做叫犹太人去祭拜纳粹统治者，呣知会出现啥物款啲情形？"

>>宋楚瑜: "苏进强参拜神社伤害台湾儂啲尊严"

对着台联党主席苏进强昨昏参拜靖国神社即层代誌，亲民党主席宋楚瑜今仔日顶晡是严厉来咧批评佮摳洗。宋啲讲"苏进强走去靖国神社拜日本儂，这呣若(m̄- nā)是伤害着台湾儂基本啲尊严，佫咔是徹底丧失民族立场"、"靖国神社内底确实有台湾儂啲灵位，呣佫遮个(chiah-ê)台湾儂呣是为着卟保卫台湾來战死，怹拢是殖民时代啲時，去互日本仔招去战场替怹拼命拼死啲，苏进强啲行为该当受着全民做夥來呸臭瀾(phùi-chhàu-nōa)"。

>>郁慕明(新党主席): "台联敢讲已经成做日本军国主义伫台湾啲替身仔？"

郁慕明发布新闻稿，谴责"台联"的行为。郁慕明指出，"苏进强乌白弹(o·-pe̍h-tōaⁿ)、乌白讲，讲供奉伫靖国神社啲"台籍军人"是"为国牺牲 "......事實根本呣是安呢，当時日本仔强强lia̍h台湾人民替怹去拍中国佮其他国家，這"为国捐躯"是咧捐安怎？"郁慕明呼吁台联党嗳真真正正來爱台湾人民，呣通做日本军国主义在台湾啲替身仔(华语:附庸)。

>>国民党发言人张荣恭表示，"靖国神社透底供奉一寡仔二次世界大战啲甲级战犯，是日本军国主义啲代表，伫亚洲人民心目中一贯是‘臭莶莶'(chhàu-hiam- hiam)。苏进强用台湾政党主席啲身份去参拜，互儂看出"台联"崇敬日本军国主义啲心理。设使台独势力佫想卟勾结日本右翼势力对抗中国大陆，安呢对台湾来讲并無好处，该当受着谴责"。

>>民进党: 苏进强应当说明参拜靖国神社真正啲目的

民主进步党立法院党团干事长赖清德表示，"苏进强有必要对民众做一个交代，讲清楚是安怎卟去拜？真正是咧拜啥儂？" 赖清德又佫指出，"虽莽台湾佮日本算讲亲兄宝弟（华文：唇齒相依），不而过，日本过去发动战争、占领台湾，台湾民众遘昑犹原佫有‘bōe快活'啲经验"。赖清德表示，"苏进强有必要交代清楚，到底参拜啲目的是啥？是干凋咧拜2万8000外个台湾儂啲神主牌仔，抑是佫有其他啲想法伫咧？"  

-----韩国当咧苦劝众联合国成员国,争取得着联合国1/3啲票数来反对日本成做"常任理事国"

因为"相争领土"和"历史教科书啲问题",本然着直透出風波啲日韩关系，最近即暂仔,不但無咔和(hê)，颠倒是愈來愈恶化。根据韩国《东亚日报》3月 31日啲报道，为着卟督促日本政府真正来反省历史，改正伫咧"历史问题"顶面啲错误态度，针对着日本最近狂卟做联合国安理会常任理事国啲心理，昑 (taⁿ)韩国政府已经制定一项全球拜票啲策略，目的是卟來阻挡日本啲骹步。

按讲若卟修改联合国安理会啲议案必须嗳开會得着通过，也着是讲上少嗳得着联合国众成员国 (拢总191个国家)当中2/3(也是着128个国家)啲支持才会当。安呢，韩国啲目标着是上少嗳争取着64张(占成员国1/3)啲弃权票抑是反对票，最後伫联合国会议顶否决即项佮日本有关系啲议案，彻底收煞日本想卟做常任理事国啲"春宵美梦"。

根据了解，韩国将卟代先联合遐个对"扩大常任理事国"抱持(phāu-chhî)反对意见啲发展中国家组织——"咖啡俱乐部"(Ka-pi Kū-lo̍k-pō·/CoffeeClub)，随个仔苦劝遮个发展中国家投"弃权票"。韩国政府官员表示讲：下月日将卟伫纽约举行"咖啡俱乐部"成员国非正式集会，拢总有70外个国家参加，其中有一项议题着是讨论"阻止日本决议案"啲方案。对着联合国安理会改革啲问题，咖啡俱乐部啲成员国一贯认为， "设使通过即款啲方式来扩大常任理事国，安呢，时遘(sî--kàu)，发展中啲国家伫联合国着會变成‘边缘'国家"。

关于即层代誌，韩国《东亚日报》3月21日捌发表社论指出讲，因为無法度正确来认识历史问题，日本根本无资格成做安理会常任理事国。虽莽(sui- bóng)现主時日本政府当咧世界各所在进行全方位啲"争常"外交，不而过，安理会常任理事国啲席位呣是干凋用錢银着有法度買着啲。即篇社论佫强调讲，日本不但呣愿意反省过去啲侵略行为，颠倒佫想空想缝来咧装潢迄段罪恶佮臭名万代啲历史，设使日本若真正成做安理会常任理事国，伊敢有法度遵照联合国啲精神来为国际社会作出积极啲贡献，这实在值得堯疑，这嘛是韩国反对日本成做联合国常任理事国啲主要原因。

《联合国宪章》第一句话来咧讲着，联合国家"力行宽恕，彼此以善邻之道，和睦相处，集中力量，以维持国际和平佮安全"。拆白讲，若"善邻之道"即條，日本完全無资格佮侬讲这。共款(kāng-khóan)即條着好也，韩国佮其他亚洲国家嘛完全有理由来反对日本成做常任理事国。佫咔何况讲日本长期以来伫咧对待历史问题顶面所表现啲态度佮行为，是赫呢仔(hiah-nī-á)恶質佮狡怪，对周边国家来讲，日本应该算是一个"歹厝边"。

对着韓国啲行动，有关分析人士指出，准讲韩国最後無法度阻挡日本"争常"，不而过，上无嘛会当充分利用联合国信息传播啲作用、利用联合国啲有关组织机构，通过即款第一有力草(la̍t-chháu)啲多边外交场合，来向国际社会进一步揬臭(thut-chhàu)日本"拒绝反省历史、不断掩勘(am- khàm)侵略战争"啲恶行(ok-hēng)。这才是韩国佮其他亚洲国家真正卟努力啲价值。

[原作(华文):丛云峰(大洋网)；改编(闽南):Lim kian-hui]  

Chòe-kūn, Mike Dell tiām-tiām-á lâi kàu Tiong-kok, sio-liân-sòa hóng-mn̄g Ē-mn̂g kah Siōng-hái chit 2-ê siâⁿ-chhī. Kun-kù liáu-kái, "DELL jī-kî kang-thiâⁿ" hāng-bo̍k chiong-beh tī kin-nî 4-ge̍h tiong-sûn tiàm Ē-mn̂g chèng-sek tāng-kang khok-kiàn, ah sî--kàu tâu-sán liáu-āu, Ē-mn̂g to̍h chiâⁿ-chòe Tiong-kok tē-it tōa ê tiān-náu ki-tōe, ū-kè khì-gia̍p ê sán-ti̍t ū-hoat-tō· chhiau-kè 1000-ek kho· Jîn-bîn-pē, chiâⁿ-chòe Hok-kiàn-séng thâu-chi̍t-keng sán-ti̍t tu̍t-pò 1000-ek kho· ê tōa khì-gia̍p.

Kun-kù liáu-kái, Mike Dell chit-chōa lâi Ē-mn̂g, ū chi̍t-ê iàu-kín ê bo̍k-tek, to̍h-sī beh hām Ē-mn̂g Chhī-chèng-hú chhiam-tēng chi̍t-hāng chin-chiàⁿ tiōng-iàu ê hia̍p-gī, àn-sńg beh tiàm Ē-mn̂g kí sin--ê kang-chhiúⁿ. Sin kang-chhiúⁿ kiàn-sêng liáu-āu, DELL tī Tiong-kok ê seng-sán lêng-le̍k ē khok-tāi 1-pē í-siāng. Sin kang-chhiúⁿ chú-iàu ê ho̍k-būn tùi-siōng sī DELL kong-si tiàm Tiong-kok, Ji̍t-pún kah Pak-A tē-khu ê kheh-hō·.  

Bí-kok 《Khôan-kiû》chiu-khan siōng-kái sin--ê pò-tō, hiat-chhut hō· chôan sè-kài bîn-chiòng "chhoah-1-tiô" ê siau-sit: Bí-kok chêng chóng-thóng Clinton (柯林頓) hōan-sè chhun bô kúi go̍eh-ji̍t ê hòe-siū.....

Clinton kin-nî 59 hòe, bo̍k-chiân tú-tú chò-kòe tē-2 pái ê sim-chōng chhiú-su̍t, i ê chhù-lāi-lâng kah pêng-iú lóng chin hôan-ló i ê kiàn-khong chōng-hóng. In-ūi kiaⁿ sûi-sî ē lāu--khì (tńg--khì), hiān-chú-sî Clinton í-keng su-té-hā iok-kiàn lu̍t-su, ka ûi-chiok siu-kái hó-sè--a. Chêng 2004 nî 9--go̍eh chòe soah sim-chōng chhiú-su̍t (tē-it pái) liáu-āu, Clinton ê kiàn-khong chōng-hóng to̍h it-ti̍t chin hāi. Clinton 1-ê hó pêng-iú thàu-lō· kóng: "Clinton chit-chām-á tiāⁿ-tiāⁿ bīn-sek chhiⁿ-sún-sún, sī-hn̂g sī-hn̂g; bo̍k-chiu put-kóan-sî lóng án-ne lô-lô, chhû-chhû (chhuh-chhuh); kui kang bô-lám-bô-ne, kah í-chá oân-choân bô chhin-chhiūⁿ. Siāng-kài hāi--ê sī i koh tiāⁿ-tiāⁿ kū-cho̍at chia̍h mi̍h-kiāⁿ, lio̍h-á tài--tio̍h iu-ut-chèng. I chóng-sī se̍h-sîn se̍h-sîn, sin-khu-téng nā ū tó-ūi-á lio̍h-á bô sú-sī, to̍h lóng-chóng khan-thoa kóng sī sim-chōng-pēⁿ iū-koh giâ--khí-lâi--a".

Koh-khah hō· lâng hôan-ló ê sī, sim-chōng chhiú-su̍t tùi Clinton ê náu-pō· chō-chiâⁿ "éng-kiú ê sún-siong", tì-kah i tiāⁿ-tiāⁿ chhut-hiān sit-ek ê chèng-thâu. Che í-gōa, i ê huih-e̍k mā í-keng siū-tio̍h "cha̍p-chiok giâm-tiōng" ê kám-jiám, múi-ji̍t lóng-ài chiap-siū tāi-liōng ê tī-liāu.

Chai-khang ê lâng thàu-lō· kóng, Clinton chêng chòe liáu tē-2 pái chhiú-su̍t kòe-āu, pēⁿ-chêng to̍h ti̍t-thàu ok-hòa. I-seng mā piáu-sī kóng, siat-sú bōe-tàng ū koh-khah hó-ê i-tī kah liâu-ióng, pēⁿ-chêng hōan-sè ē kè-sio̍k ok-hòa--lo̍h-khì. Thiaⁿ-kóng hiān-taⁿ i-seng í-keng hiòng Clinton ê ka-sio̍k hoat-chhut kéng-kò, kóng nā àn siōng-bái ê chêng-hêng khó-lū, Clinton kiám-chhái kan-na ū-hoat-tō· koh o̍ah leh kúi go̍eh-ji̍t niā-niā.  

3 ge̍h 16 hō, Ji̍p-pún 岛根县(tē-miâ) gī-hōe khin-sang thong-kòe 1-hāng sin--ê tiâu-lē, to̍h-sī chiong mûi-nî ê "2 go̍eh 22 hō" chit-1-kang tēng chòe "Tek-tó chi-ji̍t" (竹岛之日). Bô-lōa-kú liáu-āu, Hân-kok chèng-hú sûi chiam-tùi Ji̍p-pún chit-hāng koat-tēng chhái-chhú sio-liân-sòa ê "pò-ho̍k" hêng-tōng.

Pò-ho̍k hêng-tōng thâu-1-chân: "giâm-tiōng khián-chek". Hân-kok chèng-hú jīn-ûi, "Tok-tó/Tek-tó" būn-tôe sī koan-hē tio̍h Tāi-hân Bîn-kok kok-thó· oân-chéng kah chú-kôan oân-chéng ê tōa tāi-chì, sui-bóng chit-pái sū-kiāⁿ chí-sī Ji̍p-pún tē-hng chū-tī thôan-thé só·-ûi, put-jî-kò Hân-kok iu-gôan bô-thang ba̍k-chiu kim-kim kù-chāi i. Hân-kok chèng-hú tng-ji̍t ē-po· sûi iû-tio̍h Gōa-kau Thong-siong-po· chhut-bīn iok-kiàn Ji̍p-pún chū-Hân tāi-sài 下部敏直, hiòng i piáu-ta̍t "kiông-lia̍t khòng-gī", siâng-sî, Hân-kok chū Ji̍p-pún tāi-sài 罗钟一 oân-á hiòng Ji̍p-pún Gōa-bū-séng tng-bīn chóan-ta̍t Hân-kok chèng-hú "kiông-lia̍t ê ûi-hām".

Tē-jī hāng pò-ho̍k: chí-mōe siâⁿ-chhī ? Chhé!
Hân-kok 庆尚北道 (siâⁿ-chhī) 16-hō hit-kang sûi lâi soan-pò· hām Ji̍p-pún 岛根县 tōan-cho̍at "chí-bē siâⁿ-chhī" ê koan-hē.

Tē-saⁿ hāng pò-ho̍k: chôan-bīn khai-hòng.
Ūi-tio̍h beh èng-tùi Ji̍p-pún ê koat-tēng, Hân-kok chèng-hú tī 16-hō oân-á koat-tēng hòng-khoan in kok ê kok-bîn chìn-ji̍p Tok-tó ê hàn-chè, chôan-bīn khai-hòng, ún-chún kok-lāi-gōa ê mûi-thé ji̍p-khì chhái-hóng.

Tē-sì hāng pò-ho̍k: thong-tia̍p pàng-tiau.
Hân-kok Gōa-kau Thong-siong-po· hoat-giân-jîn 李揆亨 tng-ji̍t hoat-piáu "kiông-lia̍t khòng-gī", iau-kiû 岛根县 chek-sî hòe-tû sin tiâu-lē. 李揆亨tāi-piáu Hân-kok koh 1-pái seng-bêng, bô-lūn tùi le̍k-sú, tē-lí a̍h-sī kok-ché-hoat lâi-kóng, Tok-tó lóng sǹg-sī Hân-kok ê léng-thó·, Hân-kok chèng-hú kian-koat hóan-tùi jīm-hô khì-thô· chhim-hāi Hân-kok chú-kôan ê hêng-ûi. 李揆亨 kiông-tiāu, siat-sú 岛根县 m̄ chek-sî hòe-tû chit-ê tiâu-lē, Hân-kok chiong-beh chhái-chhú "it-chhè pit-iàu ê chhò-si", sán-seng ê hiō-kò lóng ài chôan-pō· iû Ji̍p-pún hong-bīn hū-chek.

Hân-kok Khai-hòng Kok-bîn-tòng (1-ê chèng-tóng) hoat-giân-ji̍n piáu-sī, in gōan-ì kā Ji̍p-pún ê hêng-ûi khòaⁿ-chòe sī "chhim-lio̍k".  

Ē-mn̂g ê siau-sit: Gôan-tóe àn-sǹg beh tī 2007 nî tāng-kang heng-kiàn ê "Hā-Chiang Khòa-hái tōa-kiô" (厦漳跨海大桥), chiong-beh chheng-chhú tī kin-nî lāi tāng-kang. Kun-kù liáu-kái, "Hā-Chiang Khòa-hái tōa-kiô" kang-thêng hāng-bo̍k chêng 1999 nî ē-pòaⁿ-nî khai-sí chìn-hêng chiân-kî gián-kiú khang-khòe í-lâi, tī Ē-mn̂g kah Chiang-chiu iú-koan pō·-bûn kah siong-koan tan-ūi ê kiōng-tông nó·-le̍k chi-hā, kàu-taⁿ í-keng chha-put-to oân-sêng pau-koah "kang-thêng hāng-bo̍k khò-hêng-sèng gián-kiú pò-kò", "chúi-bûn kham-chhek choan-tôe kè-sǹg pò-kò", "kang-thêng tōe-chit kham-chhat pò-kò" kah "ki-su̍t iau-kiû lūn-chèng pò-kò" chāi-lāi ê kok-hāng khang-khòe.  

Bí-kok kok-bū-kheng赖斯hóng-mn̄g Ji̍t-pún kî-kan, kong-khai piáu-bêng beh chi-chhî Ji̍t-pún ka-ji̍p Liân-ha̍p-kok An-chôan Lí-sū-hōe...

Chìn-chêng, 赖斯tī Ji̍t-pún hoat-piáu káng-ián, i kóng "Ji̍t-pún ē siū-tio̍h sè-kài kok-kok ê chun-kèng, sī in-ūi Ji̍t-pún-lâng ài phah-piàⁿ ê kò-sèng kah in ê tek-hēng tit-tio̍h khéng-tēng". I kóng Bí-kok chiong-beh bô tiâu-kiāⁿ chi-chî Ji̍t-pún chiâⁿ-chòe Liân-ha̍p-kok An-chôan Lí-sū-hōe ê éng-kiú sêng-oân.

Sin-bûn lâi-gôan: Sin-ka-pho Tiong-bûn pò-siā “Lân-ha̍p-chá-pò” 2005 nî 3 go̍eh 19 ê pò-tō.  

三不五時，看見一寡中國ê網民佮對岸ê網民佇網頂咧冤（像這、這、這……），透底是為著政治信念無共款，見擺戰kah烏煙乒乓①，刣kah血流血滴……看著實在真艱苦，心肝頭久久攏bōe快活。  
続きを読む