鹭水芗南-闽南语部落

《IAK-CHHUN KÒ GŪ-CHN̄G》

【〔1〕《五娘矴荔枝》 〔2〕《五娘送寒衣》 〔3〕《五娘跳古井》 〔4〕《益春告御狀》】

Lîm Tōa to̍k sim-tn̂g, Tân--ka sí kui-chng, Iak-chhun bô-thang nńg, kiaⁿ-siâⁿ kò gū-chn̄g
林大毒心腸　陳家死歸庄　益春無通軟　京城告御狀  
続きを読む

《GŌ·-NIÛ THIÀU KÓ·-CHÍⁿ》

【〔1〕《五娘矴荔枝》 〔2〕《五娘送寒衣》 〔3〕《五娘跳古井》 〔4〕《益春告御狀》】

Gō·-niû oāⁿ La̍k-niû, si̍t-chāi bô iūⁿ-siùⁿ, Lîm Tōa ū chú-tiuⁿ, kó·-chíⁿ thiām Gō·-niû
五娘換六娘　實在無樣相　林大有主張　古井填五娘

Lîm Tōa chhōa bô N̂g Gō·-niû, oāⁿ chit La̍k-niû phòe i chiūⁿ
林大娶無黃五娘　換這六娘配伊上
La̍k-niû chhōa-lâi bī-kúi-sî, in-ūi oan-ke chū-chīn sí
六娘娶來未幾時　因為冤家自盡死

Káu-lông sûi-sî thàm-thiaⁿ chai, chiū kiò chhiⁿ-ḿ it-chôe lâi
九郎隨時探聽知　就叫親姆一齊來

  
続きを読む

《GŌ·-NIÛ SÀNG HÂN-I》

【〔1〕《五娘矴荔枝》 〔2〕《五娘送寒衣》 〔3〕《五娘跳古井》 〔4〕《益春告御狀》】

Tân Saⁿ, Gō·-niû thau-chhōa-cháu, siong-hong pāi-sio̍k sit lé-kàu
陳三五娘偷chhōa走　傷風敗俗失禮教
ló-iâ chêng-lí pat ū-thàu, kaⁿ-lô hân-i khàm kâu-thâu
老爺情理捌有透　監牢寒衣勘猴頭

Tân Saⁿ chhng-chhiú khan i khí, bo̍h-tit iân-tî kín lâi-khì
陳三伸手牽伊起　莫得延遲緊來去
saⁿ-lâng it-tông chài-koh kiâⁿ,chhian-sin bān-khó· ūi Saⁿ-hiaⁿ
三人一同再koh行　千辛萬苦為三兄
Tân Saⁿ oa̍t-thâu kè-lâi koan, khǹg niû kah kán sim pàng khoan
陳三越頭過來觀　勸娘佮kán心放寬
che sī a-niû lí gōan-ì, pòaⁿ-lō· hóan-hóe chóng khah tî
這是阿娘汝願意　半路反悔總咔遲  
続きを読む

《GŌ·-NIÛ TÀN NĀI-CHI》

【〔1〕《五娘矴荔枝》 〔2〕《五娘送寒衣》 〔3〕《五娘跳古井》 〔4〕《益春告御狀》】

Gō·-niû tàn nāi-chi, ū-chêng ké bô-ì, Koan Im chia̍h kiâm-hî, iau-kúi ké sòe-jī.
五娘矴荔枝　有情假無意　觀音食鹹魚　枵鬼假細膩  
続きを読む

【全文展示】  
続きを読む

【故事背景】：這是一出梨園戲啲故事，佇南樂(南管)唱詞、九角戲、潮劇、佮歌仔戲(薌劇)內底，嘛捷捷看會著、聽會著。故事講，福建泉州少年才子——陳三，生做緣投，儂才情。因送哥嫂去廣南城上任，路途經過廣東潮州府。迄時拄好是上元節，潮州城真正鬧熱，四界搭燈棚，各鄉裡啲才子佳人嘛攏選擇佇即一工出門游賞。泉州阿舍陳三哥，定著bōe踉過即款啲好機會。佇咧游賞燈景啲中間，陳三看見一个生水又佫文理啲諸娘囡仔，心頭有愛慕，一下探聽，chiah知講對方是潮州在地好額儂兜啲千金小姐，姓黃，名號做五娘。此去，陳三哥暝日攏咧思念心中啲五娘。後來，陳三自廣南起程beh倒轉泉州，又佫經過潮州府，迄時已經是熱儂啲六月。因為數念(siàu-liām)五娘,陳三超故意騎馬按五娘蹛啲繡樓下骹經過。五娘佇繡樓頂懸有看著，就矴落(tàn-lo̍h)手巾仔佮荔枝，beh互陳三做定情禮。過後，陳三更加思念五娘，伊假意化裝做磨鏡師傅，又佫來遘黃府，摻五娘相見面。為惹好緣份，陳三超工挵破五娘啲寶鏡，就自安呢賣身黃府，為奴三冬，趁機親近意中人。  
続きを読む

【版本信息】

千金譜是一本閩南語啟蒙讀物。上早啲版本有兩款，攏總是用柴刻字成冊啲。咱來看：

1. 木刻本一冊，冊面破爛，號做「千金譜」，冊尾刻著 「咸豐壬子冬月刊，台郡松雲軒藏板」，按遮會當推算出版啲時間是西元1852年。連雅堂佇《雅言》第121節寫講：活版未興以前，台之印書多在泉﹑廈刊行。府﹑縣各志，則 募工來刻，故版藏臺灣。然台南之松雲軒亦能雕鐫。……松雲軒在上橫街，今廢。可能是在大陸刊印。
2. 「居家必用千金譜歌」，光緒丁亥年（西元1887年）木 刻，出版社無清楚。出自臺灣國立中央圖書館臺北分館。根據臺灣總督府國語學校校長町田則文寫啲文章《創業時代_臺灣教育》（上早刊登於《教育時論》第619號， 西元1902年），當中寫講：日本儂統治台灣進前，全臺灣攏無半間冊店佮印刷廠，所有啲冊攏是按唐山廈門、上海、福州即寡所在過海來啲。因為本版佮台南松雲軒版無相共，所以本冊應該是廈門出版啲。亦現此時，佇廈門敢有《千金譜》卻是有待考查。

【《千金譜》記載啲內容簡介】

《千金譜》記載啲內容，透底是平常生活用會著啲、看會著啲，吤普通啲物件佮一寡傢俬；呣是咧講述忠義孝道啲大道理，所以佇當時乾凋摕來當作家教啲素材。雖然《千金譜》儕少oân-á有教儂捌字啲功效，嘛有一寡生活知識在內，不而過，若比起傳統啲《三字經》、《幼學瓊林》、《百家姓》、《千字文》即款漢學啟蒙書(chu)，是差吤儕，流傳啲區域嘛加真隘(e̍h)。有臺灣人士安呢看待《千金譜》，伊講：現此時，本土文化流失嚴重，咱有必要重佫來評估《千金譜》啲價值——

無論是按研究語言學、民俗學，抑是社會學啲角度來看，這定著會使講是一抱真讚啲素材。比論冊內底寫講：“竹篙鬥菜刀，會莊掠賊著 拍鑼；閹雞趁鳳飛；蘇白扇，草蒲鞋；銅薫吹，金充(聰)袋；糴米著草地，糶米著米街；五福佮亂彈，四平兼大班，傀儡白字、潮調老戲…”即款字句，攏會當互咱感受著當當時(tng-tong-sî)農村生活啲情形。不而過，對現代儂來講，假使若呣是真熟似閩南語，卟(beh)來念《千金譜》，犯勢是念bōe輪轉。

對《千金譜》，臺灣研究閩南語啲學者董峰政，伊是安呢來咧評價——

「千金譜」會使講是一本「百工冊」，因為內容描寫著所有啲貨物，士農工商啲物件，以及農業社會每一个庭日常生活所使用啲器具，將遮个 ( chiah-ê) 物件，全部共 ( kā ) 編做有鬥句 ( 押韻 ) 啲字句互儂 ( hông) 讀 ，所以讀《千金譜》，會當捌真儕物件，豐富咱日常生活啲知識。而且寫作啲特色 ：有紲喙啲詩韻，有熟似啲雅語俗語，有趣味農村記事，佮生理儂佇外口風流啲韻事等，值得逐家好好來研讀……

  
続きを読む