2005年10月31日
闽南汉字
闽南语虽罔是汉语系的一种语言，不而过，呣是每一个音节拢
有汉字通写。这是因为：
続きを読む
有汉字通写。这是因为：- 閩南語內底有足儕古漢語的成分。千百年來，中國歷代的教育部門攏無共閩南語當作正規語文，學校攏無咧教閩南語。致使會捌閩南語字的儂愈來愈少，有的音節已經拍交落（phah ka-la̍uh），遘今無法度稽考，無「本字」通寫，或者是無法度確定「本字」是啥。根據瞭解，佇現代閩南語當中，有咔加５％的音節，屬於「上古漢語」的成分。
- 現代閩南語猶原保留一部分古早時代「閩越」語言的成分。即部分音節oân-á無法度用漢字來寫（噯佫造字）。
- 千百年來，咱儂（漳泉儂）佇咧勞動、種作、生産的過程中，家己發明的「土話」、「土音」。
- 番仔話借音、借詞。
続きを読む
2005年10月28日
Wikipedia, 去互Tiong-kok吊鼎……
“Wikipedia，chū-iû pek-ko choân-su....” hoān-nā khì-kòe Wikipedia ê lâng, tiāⁿ-tio̍h lóng chai-iáⁿ chit-ê soan-thoân kháu-hō. Wikipedia chú-tiuⁿ "tiong-li̍p", "chū-iû", "khai-bêng", pò-tō chin-siòng, toân-pò· kho-ha̍k, toân-pò· tì-sek, sī chi̍t-phō chin-chin-chiàⁿ-chiàⁿ iû choân-bîn kiōng-tông chhòng-chok, kiōng-tông hōng-hiàn ê pek-kho choân-su. Wikipedia sī iu-siù ê pek-kho choân-su !
Chin put-hēng, chit-phō iu-siù ê pek-kho choân-su, tī kong-goân 2005 nî 10 ge̍h 21 hō· chit ji̍t, koh chi̍t-pái cho-siū Tiong-kok tong-kio̍h GFW lâi hong-tó·. Che sī Wikipedia le̍k-sú siōng, tē-saⁿ pái hō· Tiong-kok "kiông-kan". (Chìn-chêng nn̄g-pái hong-só hoat-seng tī 2004 nî 6--ge̍h kah 9--ge̍h). Lán bô hoat-tō· ū-kè chit-pái hong-só sī chiām-sî--ê a̍h-sī tn̂g-oán--ê.
Ē-bīn ê pò-tō, choân-pō· hām Tiong-kok ū tī-tāi, hām pa̍t-ê kok-ka kah tē-khu bô koan-hē.....
続きを読む
Chin put-hēng, chit-phō iu-siù ê pek-kho choân-su, tī kong-goân 2005 nî 10 ge̍h 21 hō· chit ji̍t, koh chi̍t-pái cho-siū Tiong-kok tong-kio̍h GFW lâi hong-tó·. Che sī Wikipedia le̍k-sú siōng, tē-saⁿ pái hō· Tiong-kok "kiông-kan". (Chìn-chêng nn̄g-pái hong-só hoat-seng tī 2004 nî 6--ge̍h kah 9--ge̍h). Lán bô hoat-tō· ū-kè chit-pái hong-só sī chiām-sî--ê a̍h-sī tn̂g-oán--ê.
Ē-bīn ê pò-tō, choân-pō· hām Tiong-kok ū tī-tāi, hām pa̍t-ê kok-ka kah tē-khu bô koan-hē.....
続きを読む
2005年10月28日
头一届“中、台闽南语歌唱大赛”煞鼓
上讚的男女歌手拢台灣儂；专家透底认为厦门在地歌手呼音無正。日前，由厦门广电集团佮台湾八大电视股份有限公司联合举办的头一届「『两岸』闽南语歌唱大赛」总决赛在厦门广电中心落幕。进前，「海峡两岸」拢总有8位歌手进入总决赛。即摆总决赛采用循环打擂台的方式，拢总安排8 场精彩的大车拼，最后拼出悬下（koân-kē / 高低）：查甫状元、查某状元全部去互台灣儂捧转去（phâng tńg--khì），chhun--ê六名歌手oân-á有 好头彩，有的摕着（the̍h-tio̍h）“上有潛力”的奖項；有的承着（sîn-tio̍h）“优秀歌手”的獎項。
比賽煞鼓了後，一寡 做评委的台湾音乐人，对厦门赛区4位歌手的评价是：有一定的实力，不而过，上大的输面 是 chiah-ê歌手透底无经过专业训练，呼音无正，对歌曲本身beh表现出来的意涵理解无透。怹讲「台灣的语言环境咔赢唐山，闽南歌的历史加咔久长」，所以，台灣歌手对歌曲意境的理解会咔透徹。
ps. 看进前的报道—— （1）「中、台闽南语歌唱大赛」总决赛伫厦门举行 ； （2）「中、台閩南語歌唱大賽（復賽阶段，中国站）」
2005年10月23日
《玫瑰情話》
| 汝会照原爱我bōe ？ 亲像往早安呢bōe ？ 一蕊白色玫瑰花 一张批写kah全情话汝总是笑我的心无够大 汝的爱 拢 包bōe密 检采是我当时真正无够大 互汝伤心离开我 汝敢真正有快活？ 像汝讲的安呢嗎？ 亦是惊我会牵挂 摕汝的相片金金看 汝总是瞇瞇笑 表面屈强 哪知我心愈悲伤 品好勢mài提起伤心的话 哪知目屎soah直直流 don't you let me cry never let me go 若是一千摆的心碎 会當换着汝送我一蕊玫瑰花 一万遍的后悔 会得换着汝对我的一句情话 我卜用一生的伤悲将汝挽回 汝只是恬恬的做汝去 偆我珠泪四湳垂 失去希望无奈的暗暝 看汝离开
don't you let me cry never let me go 若是一千摆的心碎 会當换着汝送我一蕊玫瑰花 一万遍的后悔 会得换着汝对我的一句情话 我卜用一生的青春陪汝行過 汝只是恬恬的陪伴我 拭去我滿面珠淚 一蕊白晳晳的玫瑰花 伫汝手裡…… | Lí ē chiàu-goân ài góa--bōe ? Chhin-chhiū éng-chá án-ne--bōe ? Chi̍t-lúi pe̍h-sek mûi-kùi-hoe Chi̍t-tiuⁿ phoe siá kah choân chêng-oē Lí chóng-sī chhiò góa ê sim bô-kàu tōa Lí ê ài lóng pau bōe bā Kiám-chhái sī góa tng-sî chin-chiàⁿ bô-kàu tōa Hō· lí siong-sim lī-khui góa
Lí kám chin-chiàⁿ ū khùiⁿ-oa̍h ? Chhiūⁿ lí kóng--ê án-ne mā? Iah-sī kiaⁿ góa ē khian-kòa The̍h lí ê siōng-phìⁿ kim-kim-khoàⁿ Lí chóng-sī bi-bi-chhiò, piáu-bīn khut-kiông Nah-chai góa sim lú pi-siong Phín hó-sè mài thê-khí siong-sim ê oē Nah-chai ba̍k-sái soah ti̍t-ti̍t lâu. don't you let me cry never let me go Nā-si 1000-pái ê sim-chhùi Ē-tàng oāⁿ-tio̍h lí sàng góa chi̍t-lúi mûi-kùi-hoe 10000-piàn ê hiō-hóe Ē-tit oāⁿ-tio̍h lí tùi góa ê chi̍t-kù chêng-oē Góa beh iōng it-seng ê siong-pi chiong lí bán-hôe Lí chí-sī tiām-tiām ê chò-lí-khì Chhun góa chu-lūi sì-lâm-sûi Sit-khì hi-bāng bô-nāi ê àm-mî, khoàⁿ lí lī-khui
don't you let me cry never let me go Nā-si 1000-pái ê sim-chhùi Ē-tàng oāⁿ-tio̍h lí sàng góa chi̍t-lúi mûi-kùi-hoe 10000-piàn ê hiō-hóe Ē-tit oāⁿ-tio̍h lí tùi góa ê chi̍t-kù chêng-oē Góa beh iōng it-seng ê chheng-chhun pôe lí kiâⁿ--kòe Lí chí-sī tiām-tiām ê pôe-phoāⁿ góa Chhit-khì góa móa-bīn chu-lūi Chi̍t-lúi pe̍h-siak-siak ê mûi-kùi-hoe, tī lí chhiú--ê…… |
ps: 根据共名华语流行歌《玫瑰情话》（台灣）改编。
2005年10月23日
“中、台闽南语歌唱大赛”总决赛伫厦门举行
２００５年８月１１号，本站有报道「中、台閩南語歌唱大賽（復賽阶段，中国站）」的消息。即摆，总算是遘kah正式决赛大车拼的坎站囉。１０月２１号暗时，即场「『两岸』闽南语歌唱大赛」总决赛安排伫厦门举行。中、台双方拢总８个脚数（kioh-siàu）上臺车拼。举办即项比赛的目的是「为双爿的少年侬伫咧歌唱艺术领域的交流搭一座平臺」。
另外，根据瞭解，目前，两爿的同行人士当咧走蹤，按算beh伫咧无偌久以後佫来举办一场「『海峡两岸』闽南语歌曲创作高峰会」，希望会当为「两岸」歌坛 加 写一寡仔优秀的闽南语（歌曲）作品。
ps: 参加即摆总决赛的歌手名单——
另外，根据瞭解，目前，两爿的同行人士当咧走蹤，按算beh伫咧无偌久以後佫来举办一场「『海峡两岸』闽南语歌曲创作高峰会」，希望会当为「两岸」歌坛 加 写一寡仔优秀的闽南语（歌曲）作品。
ps: 参加即摆总决赛的歌手名单——
2005年10月22日
《數念兩尾中國活龍》（作者：阿天）
〖撓頭話〗網路無邊無界，無分國界。透過網路，互咱熟似著儕儕天涯海角的朋友，因為共款的興趣，逐个才通行相倚。下面是一位蹛佇美國的朋友——阿天（aThinn）所寫的文——《數念兩尾中國活龍》。經過 阿天兄 本人 tàm頭 同意了後，taⁿ刊出來互眾網友做夥分享——
続きを読む
続きを読む
2005年10月22日
小泉拜鬼，中國有好無bái
小泉 照时照顿 去咧 拜鬼，诚侪 中国侬 气kah phut-phut-tiô，一腹火 强beh 忍 bōe 落来。我讲中国侬实际免hiah紧张，若会当暂时先将道义放一边，换一个角度，泠静来看待小泉即出小鬼仔步，形势 hoān势 soah拢变倒过来，变kah对中国真有利。敢有影安呢？看māi 汝着知：
日本军国主义阴魂不散，着若像「互汝跋倒」（哈利伯特）即出故事内面 hit箍 伏地魔，不管时着咧走找机会，数想beh 借尸还魂。侪年来，关于日本政客朝拜靖国神社的问题，一直是东亚地区和平佮安定的一粒定时炸弹。Nā即点，中、韓、朝三国拢诚清楚，呣佫世界真侪国家拢看无、想无。即摆，好佳哉 是 日本仔数想beh做联合国常任理事，想kah beh起痟，又佫车盘hiah-nī thiám，才来引起中朝韩三国民众强烈反弹，几落千万侬相争签名顿印起抗争，着是安呢，世界才通了解日本万恶、卑耻的真面腔，才通了解日本侬无影咧改过自新。即mái 拄好遘kah世界各国纪念反法西斯战争60周年的流摆，iah日本侬偏偏beh伫咧即款敏感时期硬斗拜神祭鬼。中国 本成有空着咧找无榫啊，即摆拄好趁着机会，顺sòa无加工，tiàm联大kā修理理的，tu̍h一个互去哀父叫母。这敢讲呣是好代誌？Iah nā即阵，上无， 白当大日无侬敢讲日本政府拜靖国绝对hām往早罪恶的历史无牵碍。会用讲，中国阻挡日本入常，不但代表着本国佮侪侪厝边国家的民意，又佫是有效来约束着日本国内愈来愈chhàng鬚的军国主义。中国即mái手头攑的即叢旗，讲咔水气的，he是表示讲咱全心全意咧维护反法西斯战争的胜利成果，咧维护联合国的宪章，咧保卫地区佮全世界的和平！咱是咧替天公伯维护正义！这叢旗当然嘛嗳攑，攑愈悬愈好。
続きを読む
日本军国主义阴魂不散，着若像「互汝跋倒」（哈利伯特）即出故事内面 hit箍 伏地魔，不管时着咧走找机会，数想beh 借尸还魂。侪年来，关于日本政客朝拜靖国神社的问题，一直是东亚地区和平佮安定的一粒定时炸弹。Nā即点，中、韓、朝三国拢诚清楚，呣佫世界真侪国家拢看无、想无。即摆，好佳哉 是 日本仔数想beh做联合国常任理事，想kah beh起痟，又佫车盘hiah-nī thiám，才来引起中朝韩三国民众强烈反弹，几落千万侬相争签名顿印起抗争，着是安呢，世界才通了解日本万恶、卑耻的真面腔，才通了解日本侬无影咧改过自新。即mái 拄好遘kah世界各国纪念反法西斯战争60周年的流摆，iah日本侬偏偏beh伫咧即款敏感时期硬斗拜神祭鬼。中国 本成有空着咧找无榫啊，即摆拄好趁着机会，顺sòa无加工，tiàm联大kā修理理的，tu̍h一个互去哀父叫母。这敢讲呣是好代誌？Iah nā即阵，上无， 白当大日无侬敢讲日本政府拜靖国绝对hām往早罪恶的历史无牵碍。会用讲，中国阻挡日本入常，不但代表着本国佮侪侪厝边国家的民意，又佫是有效来约束着日本国内愈来愈chhàng鬚的军国主义。中国即mái手头攑的即叢旗，讲咔水气的，he是表示讲咱全心全意咧维护反法西斯战争的胜利成果，咧维护联合国的宪章，咧保卫地区佮全世界的和平！咱是咧替天公伯维护正义！这叢旗当然嘛嗳攑，攑愈悬愈好。
続きを読む
2005年10月18日
小泉拜鬼，中日緊張
昨昏，中国為着日本首相小泉纯一郎佫一摆参拜靖国神社做出强烈的反应，外交部长李肇星紧急召见日本驻华大使表示严厉的谴责；这以外，原底按算beh坫北京举行的朝核问题协商嘛随取消去。
李肇星昨昏下晡紧急召见日本驻华大使阿南惟茂，向伊表达中国政府对小泉纯一郎参拜靖国神社的不满佮抗议。
李肇星说，“伫咧近代历史上，日本军国主义对中国人民的伤害第一深、第一重”，小泉纯一郎“甘愿将数十年来两国侪侪先辈为着中日友好事业所拼来的、所粒积的成果矴擜捒（tàn-hì-sak），硬斗beh行即条错误又佫危险的路，这真正互侬感觉愤怒，互侬无法度吞忍。”
続きを読む
李肇星昨昏下晡紧急召见日本驻华大使阿南惟茂，向伊表达中国政府对小泉纯一郎参拜靖国神社的不满佮抗议。
李肇星说，“伫咧近代历史上，日本军国主义对中国人民的伤害第一深、第一重”，小泉纯一郎“甘愿将数十年来两国侪侪先辈为着中日友好事业所拼来的、所粒积的成果矴擜捒（tàn-hì-sak），硬斗beh行即条错误又佫危险的路，这真正互侬感觉愤怒，互侬无法度吞忍。”
続きを読む
2005年10月15日
《讀賣新聞》社論呼籲日本政府檢討太空戰略
2005年10月12號中國成功發射「神舟六號」太空飛船，隔轉日，日本《讀賣新聞》隨發表社論講，中國的航天科技當咧快速發展，並且已經取得了真大真好的成就；講日本過去確實傷過看輕中國強大的科技實力，（日本）佇航天領域已經輸中國輸足儕足儕。
続きを読む
続きを読む
2005年10月14日
日本驚中國愈粗勇，家己愈無蹦（注1）
因為中國咧發展實在真緊，進前日本已經為著中國來改變地緣戰略，即擺連國內的政治趨勢嘛受著中國的影響。對日本來講，自1990年出現泡沫經濟過後，十幾年來，伊上煩惱的著是即个厝邊一工一工咧轉大(tńg-tōa)。
Khêng實（其實）互日本儂感到第一煩惱的，呣是中國目前的政治、經濟佮軍事實力。Beh講經濟，現子時 中國對日本並無形成明顯的威協，顛倒是兩國之間的互補愈來愈明顯，汝共看：日本的優勢在電子産品、工程技術佮汽車工業；ah nā中國的優勢是hiah-ê勞力成本咔kē（下：低）的加工製造業。韓國一寡仔一粒一（it-lia̍p-it ：頂尖）的跨國公司才是日本真正的對手。Nā高科技即方面，中國對日本的競爭猶比bōe過意大利（義大利）。
続きを読む
Khêng實（其實）互日本儂感到第一煩惱的，呣是中國目前的政治、經濟佮軍事實力。Beh講經濟，現子時 中國對日本並無形成明顯的威協，顛倒是兩國之間的互補愈來愈明顯，汝共看：日本的優勢在電子産品、工程技術佮汽車工業；ah nā中國的優勢是hiah-ê勞力成本咔kē（下：低）的加工製造業。韓國一寡仔一粒一（it-lia̍p-it ：頂尖）的跨國公司才是日本真正的對手。Nā高科技即方面，中國對日本的競爭猶比bōe過意大利（義大利）。
続きを読む
2005年10月12日
泉州市頭一間專業閩南語電臺成立，開始對台放送
泉州市第一間專業的閩南語電臺佇2005年9月29號頂晡正式成立，臺號是「刺桐之聲」，電臺的頻率是調頻FM105.9（中波105.9兆赫）。這是泉州市頭一間對台宣傳的閩南語電臺。
根據瞭解，「刺桐之聲」廣播電臺的頂司是「泉州人民廣播電臺」，節目形式主要包括新聞、音樂、娛樂；節目特色定佇咧宣傳閩南在地文化。 目前開播的節目具體是：早起聽新聞、咱厝好歌大家聽、海峽兩岸、歡喜著好、厝邊頭尾、月娘月光光、草蜢弄雞公……
根據瞭解，「刺桐之聲」廣播電臺的頂司是「泉州人民廣播電臺」，節目形式主要包括新聞、音樂、娛樂；節目特色定佇咧宣傳閩南在地文化。 目前開播的節目具體是：早起聽新聞、咱厝好歌大家聽、海峽兩岸、歡喜著好、厝邊頭尾、月娘月光光、草蜢弄雞公……
2005年10月12日
《闽南语词典》（泉州腔）兩年內出版
2005年8月下旬，九届泉州市政协召开第58次主席会议期間，有政協委員透露，《闽南语词典》（泉州腔）將beh佇兩年內出版。有消息講，自頂世紀90年代以來，泉州的語言工作者佇咧研究、整理閩南語（泉州腔）方面，已經取得一定的成果。不而過，soah為著經費的問題，一寡不止仔有價值的研究成果一直遘即陣攏無法度出版。
根據瞭解，2005年7月，由泉州市政協出面，抾和「華僑大學」、「泉州師範學院」、「泉州社科聯」、「泉州學研究所」等單位的專家，共同制定出一个挽救閩南語的近、中、遠三期規劃。詳細情形啥款，請逐家做伙來看sòa落去——
近期規劃（兩年内）：按算佇咧現有的研究基礎上，編寫《閩南語泉台對照詞典》。即本詞典的定位是「實用工具冊」。
中、遠期規劃（五年～十年）：集中儂馬，重點稽考閩南語的語源，最後的目標是出版綜合性的大辭典。
華僑大學文學院阮長、閩南語古漢語研究學者王建設教授介紹講，現子時，上大的問題猶原是經費，只beh錢項會當得著保障，明年（2006年）年底著會通來出版即抱《閩南語泉台對照詞典》。
p.s. 參考消息——《闽南话漳州腔词典》明年底出版
根據瞭解，2005年7月，由泉州市政協出面，抾和「華僑大學」、「泉州師範學院」、「泉州社科聯」、「泉州學研究所」等單位的專家，共同制定出一个挽救閩南語的近、中、遠三期規劃。詳細情形啥款，請逐家做伙來看sòa落去——
近期規劃（兩年内）：按算佇咧現有的研究基礎上，編寫《閩南語泉台對照詞典》。即本詞典的定位是「實用工具冊」。
中、遠期規劃（五年～十年）：集中儂馬，重點稽考閩南語的語源，最後的目標是出版綜合性的大辭典。
華僑大學文學院阮長、閩南語古漢語研究學者王建設教授介紹講，現子時，上大的問題猶原是經費，只beh錢項會當得著保障，明年（2006年）年底著會通來出版即抱《閩南語泉台對照詞典》。
p.s. 參考消息——《闽南话漳州腔词典》明年底出版
2005年10月10日
查甫儂的本性（笑詼代）
Jī-cha̍p cha-po· su-bûn káu, khoàⁿ tio̍h súi mĕ① chhùi-nōa lâu;
二十查甫斯文狗，看著媠妹(súi mĕ)喙涎流；
Saⁿ-cha̍p cha-po· ná siáu-káu, sì-kè hong-so phā-phā-cháu;
三十查甫ná痟狗，四界風騷phā-phā走；
Sì-cha̍p cha-po· chhiūⁿ iá-káu, chhn̂g-bóe bú soah oāⁿ chhn̂g-thâu;
四十查甫像野狗，床尾舞煞換床頭；
Gō·-cha̍p cha-po· phòa-pēⁿ káu, "wĕi go" phāiⁿ leh kha-chiah-āu;
五十查甫破病狗，「偉哥」揹咧骹脊後；
La̍k-cha̍p cha-po· khôe-kha káu, sim giàn khó-sioh bô la̍t-chháu;
六十查甫瘸骹狗，心憖可惜無力草；
Chhit-cha̍p cha-po· bô-miā káu, sian② pìⁿ pìⁿ-bô siáⁿ chhut-thâu.
七十查甫無命狗，sian變 變無啥出頭。
【添注】
①「媠妹」（súi mĕ ）：媠查某。「妹」是特殊變調，著噯唸第九聲（高升調）。
②"sian"，有時嘛講做“任"，比論講：
(a). 即个囡仔真孽，Sian 教也教bōe乖。
(b). 即个囡仔真孽，任 教也教bōe乖。
二十查甫斯文狗，看著媠妹(súi mĕ)喙涎流；
Saⁿ-cha̍p cha-po· ná siáu-káu, sì-kè hong-so phā-phā-cháu;
三十查甫ná痟狗，四界風騷phā-phā走；
Sì-cha̍p cha-po· chhiūⁿ iá-káu, chhn̂g-bóe bú soah oāⁿ chhn̂g-thâu;
四十查甫像野狗，床尾舞煞換床頭；
Gō·-cha̍p cha-po· phòa-pēⁿ káu, "wĕi go" phāiⁿ leh kha-chiah-āu;
五十查甫破病狗，「偉哥」揹咧骹脊後；
La̍k-cha̍p cha-po· khôe-kha káu, sim giàn khó-sioh bô la̍t-chháu;
六十查甫瘸骹狗，心憖可惜無力草；
Chhit-cha̍p cha-po· bô-miā káu, sian② pìⁿ pìⁿ-bô siáⁿ chhut-thâu.
七十查甫無命狗，sian變 變無啥出頭。
【添注】
①「媠妹」（súi mĕ ）：媠查某。「妹」是特殊變調，著噯唸第九聲（高升調）。
②"sian"，有時嘛講做“任"，比論講：
(a). 即个囡仔真孽，Sian 教也教bōe乖。
(b). 即个囡仔真孽，任 教也教bōe乖。
2005年10月09日
有一个語詞號做「koa-tôa」
查某囝chêng出世着攏怹外嬤咧io，內嬤tòa佇庄骹，呣捌字行無路，罕得來城市--ê看金孫。Taⁿ，時間咧過誠緊，一目nih，beh度晬囉。頂一chōa，我請探親假，專工斡(oat)轉去厝--ê看兩个序大儂佮sio-siâng tòa庄骹的阿兄阿姊。廈門遘龍海，雖然路頭無真遠，呣佫交通呣是真利便——庄骹所在，車路細條，li-li-lap-lap，彎彎斡斡。咱驚講 路頂儂kheh 歹行車，soah呣敢chōa幼嬰仔做伙轉去。算起來，我oân-á規半年無倒去ah，現遘厝niā，老大儂著歡喜kah，款茶款食，無閒chhih- chhih…厝內儂看紅嬰仔無tòe大儂倒來，早早著一儂一句，問東問西，問講嬰仔有乖無，飼糜抑未，會曉 khiā-gâu 抑bōe……
我佫會記哩阮母仔有問講「嬰仔有咔koa-tôa無」……「koa-tôa」？啥物意思？我gông-ngia̍h一下，雄雄soah聽無伊咧講啥。看我無應話（聽無，bōe曉應），厝邊hit个阿姆choăⁿ佫sòa一句「輝兮，恁阿母問汝嬰仔有咔koa-tôa無，ah汝soah神神、戇戇（gāng -gāng）……」其實我是咧想hit-ê 「koa-tôa」到底是啥意思。拄好hit个阿姆佫唸一遍，安呢，我略仔知影意思ah，he是咧講：嬰仔囡 加咔 gâu大，加咔sek（成熟）。
我一時感覺誠見笑，像即款「古早話語」傳遘咱即代，實在chhun無偌儕ah。講真的，我真驚會傳(thn̂g)bōe落去……
轉去廈門了後，我趕緊beh來稽考即个「koa-tôa」，看到底是叨兩个漢字。我感覺「koa」字，事實著是咱chhiâng-chāi咧講「菜瓜真koa」（華語：絲瓜很老）的「koa」，本意是「sek」、「成熟」……我會記哩，kán-ná是《廈門方言志》，有講「koa」的漢字是「乖」，佫講普通儂kan-na知影「乖」讀做「koai」，soah 呣知影「乖」嘛會當讀「koa」。進前，對著即个講法，我即个才疏學淺的儂oân-á堯疑堯疑，呣敢盡信。
我呣知影廈門話有「koa-tôa」的講法無。呣捌聽廈門儂講過，冊底嘛無記載，我實在無法度確定。自來，儂編寫的字典、辭典，透底攏記廈門音咔儕，soah罕哩看著漳州話的辭典。聽講明年中國beh出版一本《闽南话漳州腔词典》，taⁿ看破噯將希望寄託互即本猶未出世的《詞典》。
我佫會記哩阮母仔有問講「嬰仔有咔koa-tôa無」……「koa-tôa」？啥物意思？我gông-ngia̍h一下，雄雄soah聽無伊咧講啥。看我無應話（聽無，bōe曉應），厝邊hit个阿姆choăⁿ佫sòa一句「輝兮，恁阿母問汝嬰仔有咔koa-tôa無，ah汝soah神神、戇戇（gāng -gāng）……」其實我是咧想hit-ê 「koa-tôa」到底是啥意思。拄好hit个阿姆佫唸一遍，安呢，我略仔知影意思ah，he是咧講：嬰仔囡 加咔 gâu大，加咔sek（成熟）。
我一時感覺誠見笑，像即款「古早話語」傳遘咱即代，實在chhun無偌儕ah。講真的，我真驚會傳(thn̂g)bōe落去……
轉去廈門了後，我趕緊beh來稽考即个「koa-tôa」，看到底是叨兩个漢字。我感覺「koa」字，事實著是咱chhiâng-chāi咧講「菜瓜真koa」（華語：絲瓜很老）的「koa」，本意是「sek」、「成熟」……我會記哩，kán-ná是《廈門方言志》，有講「koa」的漢字是「乖」，佫講普通儂kan-na知影「乖」讀做「koai」，soah 呣知影「乖」嘛會當讀「koa」。進前，對著即个講法，我即个才疏學淺的儂oân-á堯疑堯疑，呣敢盡信。
我呣知影廈門話有「koa-tôa」的講法無。呣捌聽廈門儂講過，冊底嘛無記載，我實在無法度確定。自來，儂編寫的字典、辭典，透底攏記廈門音咔儕，soah罕哩看著漳州話的辭典。聽講明年中國beh出版一本《闽南话漳州腔词典》，taⁿ看破噯將希望寄託互即本猶未出世的《詞典》。
2005年10月04日
分手總要在雨天 （粵語）
早起，聽一tè粵語老歌。即tè歌，我本底著真合意，呣佫進前已經久久無佫聽啊。今仔佫再聽，猶原是hiah讚。歌聽煞，我決定beh來學淡薄廣東話拼音。即个廣東話的拼音oân-á「百百款」，一出一出排佇面頭前，一時soah呣知beh學叨一款咔見效。「籃內揀花，ná揀ná花」，尾仔，chhìn-chhái 揀 hit-ê 《香港語言學會粵語拼音方案》，罔看罔看。一下看，害啊，實在比咱想的加真複雜。聲母無問題，韻母呼音咔bōe慣勢。雖然講，大多數的呼音佮漳泉語、佮普通話攏有對應規律，總是，嘛無絕對。有一寡呼音念著誠礙謔(ngāi-gio̍h)，舌仔 強強beh 輦bōe過來，小可仔一下無細膩(sòe-jī)著讀choa̍h去。舞規晡，猶原有四五个韻母sa無頭縂(thâu-cháng)……無儂教，手頭又佫無冊，坫線頂chhōe資料嘛真無利便。無法度，雖然是半頭青，嘛照原kā「生吞」落腹，siáng叫咱生成「破雨傘——興展」。粵語會通的朋友，勞煩kā咱鬥牽成heh～
続きを読む
続きを読む
2005年10月03日
因為Blog，改變拄拄開始
人生在世久長長，總有真儕代誌互儂「想bōe遘」，有時「歡喜一下」，有時soah「驚一趒」。天災人禍，想bōe遘；得著橫財，嘛想bōe遘。愛因斯坦IQ第一懸（koâiⁿ），伊遘死嘛想bōe遘數十年後會有internet……
十幾年前，大概無儂知影啥物是"Blog"。
Blog的出現，改變的大概呣干凋是歷史。
続きを読む
十幾年前，大概無儂知影啥物是"Blog"。
Blog的出現，改變的大概呣干凋是歷史。
続きを読む
2005年10月01日
MSKLC POJ 0.3輸入法!!
【功能】
漳泉語（廈門音）白話字（ＰＯＪ）輸入法。ＰＯＪ編碼采用國際標準——萬國碼（统一码／Unicode）。
【使用環境】
1、中文版Windows XP ，支持Firefox（瀏覽器）；Word、Excel、寫字板等等有支援Unicode 的軟體。
2、！！注意：（1）一定噯先安「Taigi Unicode」即套字型（若無，會出亂碼）；（2）網頁瀏覽器，請用Firefox 。
【安裝】
1. Download「MSKLC POJ0.3」檔案(.rar)。
2. 先tháu縛（解壓縮），了後安裝。
3. 安好了後，拍開「輸入法設置」，選擇「添加(D)」，佇「鍵盤布局/輸入法(K)」即欄，選擇「MSKLCPOJ0.3」，chhi̍h「確定」。
4. 電腦重佫啟動。
続きを読む
漳泉語（廈門音）白話字（ＰＯＪ）輸入法。ＰＯＪ編碼采用國際標準——萬國碼（统一码／Unicode）。
【使用環境】
1、中文版Windows XP ，支持Firefox（瀏覽器）；Word、Excel、寫字板等等有支援Unicode 的軟體。
2、！！注意：（1）一定噯先安「Taigi Unicode」即套字型（若無，會出亂碼）；（2）網頁瀏覽器，請用Firefox 。
【安裝】
1. Download「MSKLC POJ0.3」檔案(.rar)。
2. 先tháu縛（解壓縮），了後安裝。
3. 安好了後，拍開「輸入法設置」，選擇「添加(D)」，佇「鍵盤布局/輸入法(K)」即欄，選擇「MSKLCPOJ0.3」，chhi̍h「確定」。
4. 電腦重佫啟動。
続きを読む
沖縄の美容室特集
