鹭水芗南-闽南语部落

遮有一篇題目號做"上海话被围剿青黄不接 推广普通话岂能一刀切"啲文章，寫及(kah)不止仔讚！文章虽莾是咧讲"上海话"，不而过，古井水鷄看了後，soah感觉这若像是咧讲伊啲母语，愈看心肝头愈艰苦。古井水鸡taⁿ摘录(tiah-lio̍k)辷篇文章内底一寡咔有代表意义啲话句，贴(tah)踮遮：

"上海话迅速地走向衰败，上海话在缺少社会引导的前提下，任由老百姓又尤其是一些文化水平和社会地位不高的社会阶层来创造，语言日益变得粗糙和粗俗起来，以至于越来越多的非常难听的口语开始在上海话中蔓延......"；

"上海话所出现的这种低俗化倾向的原因并不难找，就是因为失去了官方认可和社会引导和维护，上海话已经成为社会低俗阶层想怎么说就怎么说的一种无人看管和彻底的‘无政府主义'语言......"；

"很多上海的小孩子现在都不大会说上海话了，几乎没有一个小孩可以用上海话说完一个完整句子的，里面都需要夹杂一些无法绕过去但只有用普通话才能表达的词汇......"；

"这种混装式的上海话这几年简直就像瘟疫一样传染着年代一代，并逐步成为他们这一代人的特殊语言。上海话在经历了低俗化之后，又进入了支离破碎的不伦不类阶段......"

......

上海话按过去啲chhiaⁿ-iāⁿ (風光),一路落衰(lo̍h-soe)、退化,辷阵會使講是"鶓鴞咧寄批也" (bā-hio̍h leh kià-phoe--a),意思是"将近卟收着黑白无常啲电子批"也。文章啲作者寫讲頂一暂(chām)仔啲上海话着已经变及"庸佫漚脓"（sông koh àu-lông/粗俗不堪)、無儂管教亲像"死無儂啲"，辷擺更加是"不嗒不七"（不伦不类）......伊讲造成辷種嚴重後果啲原因，上起码有一條是："上海话之所以会处于这样悲惨的境地，和我在前面已经提到的由官方创办的"大讲普通话"运动是有直接关系的（原文）"。

作者寫讲，Tiong-kok扶持"大讲普通话"运动，量基约按顶世纪六、七十年代开始，Tiong-kok是一个萬项代誌拢卟讲究统一啲kok-ka,連遮可怜啲语言嘛是无法度走閃。紲落来，作者佫讲，Tiong-kok有真侪代誌拢是安呢，一旦若决定好势也，着无侬会佫去怀疑，呣管汝想會通抑是想卟通，横直着是卟安呢决定，无汝是卟安怎？完全一款"卟死哄埋"(beh sí hông tâi/无賴性格)啲形！

着亲像迄篇文章啲作者讲啲安呢，呣是干凋上海安呢niâ,其實辷幾十年来，chôan-kok kok só·-chāi lóng ti̍t-thàu leh bô-êng "siau-bia̍t tē-hng gú-giân" ê khang-khòe, he着亲像过去Kiōng-sán-tóng入山咧搦土匪共款，無挣(cheng/chiⁿ,撃打)遘死是朆准煞(bōe chún-soah/不甘休)，啥儂也无法度漏交(làu-kau)、半个也无通走閃......真正有影 "早顿食洘頭糜（khó-thâu-bê），中昼(tiong-tàu)食鰱仔魚，暗頓食大鮘"——可憐代。（Pháiⁿ-sè lah, chit chat nā bô iōng POJ siá, sî--káu góa ē hông sa-khì koaiⁿ-kaⁿ.....)

文章啲作者有講遘，其實辷阵各所在啲"在地语言"會透底(thàu-tóe)傷及遮重，有一半"功勞"是在地少年家啲。有影，少年家透底侪少會弃嫌"阿公阿嬷啲话"，嫌sông、嫌无水准、嫌及无siáng通嫌、无所不嫌。这有影互儂胆寒，卟安怎？古井水鷄嘛无法度。

古井水雞同意文章作者啲观点：Tiong-kok掺USA無共款，呣通萬项代誌拢beh佮侬比。咱讲USA啲历史有够短，讲及hàm啲，短及比朆过Tiong-kok任何一个"遘昑犹未研究出来、無儂知影"啲朝代......USA虽然真早着完成语言统一啲工课(khang-khòe)，嘛因为安呢，经济才来得着吤大啲發展，不而过，儂比人氣死儂，有一好着無两好，咱有咱丰富、膨湃啲语言佮文化，USA就
而不然(jî-put-jiân/不一定)有！

文章啲作者最後寫讲，历史佮传统啲物件，呣好凊采(chhìn-chhái)矴献捒(tàn-hìⁿ-sak/扔掉),遮个(chiah-ê)物件有法度流传遘今仔日，总是有伊啲道理，實在無必要硬卟(ngē-beh)刣及死死、割喉割遘断。地方语言是一座真正丰富啲民间文化粟仓(chhek-chhng)，应该互伊有一个自然生湠(siⁿ-thòaⁿ)啲機會,呣通互伊khu̍t種（滅絕）。

俗语講"着.做了.食，呣通.食了.做",咱儂若是短见(tóan-kiàn)，食米呣知米價，總有一工，真正會找(chhōe)鬼哭無爸、卟哭着無目屎！