2005年09月23日
兩粒銃子
| 《兩粒銃子》 兩粒銃子、兩粒銃子，足gâu走，足gâu走。 一粒無骹無手，一粒無生目睭，真奇怪，真奇怪。 | 〈 Nn̄g-lia̍p Chhèng-chí 〉 Nn̄g-lia̍p chhèng-chí, nn̄g-lia̍p chhèng-chí, chiok gâu cháu, chiok gâu cháu. Chi̍t-lia̍p bô kha bô chhiú, chi̍t-lia̍p bô siⁿ ba̍k-chiu, chin kî-kòai, chin kî-kòai. |
PS.
〈Nn̄g-lia̍p Chhèng-chí〉goân-té sī chi̍t-chhut gín-á-kó·(jî-tông kò·-sū) ê lā-thâu-oē. Chit-chhut kò·-sū ê lōe-iông tāi-khài sī teh kóng, ū nn̄g-ê phòa-siùⁿ ê sàn-hiong-lâng, chi̍t-ê ba̍k-chiu chhiⁿ-mî, koh chi̍t-ê pái-ka. Chit 2-ê lâng sui-jiân hêng-tōng bô hong-piān, put-jî-kò in lóng chiâⁿ ài im-ga̍k, lóng ū chin koân ê gē-su̍t châi-hôa. Chho·-khí-seng, in nn̄g-ê lâng pēng-bô se̍k-sāi, āu--lâi, thong-kè chi̍t-ê tiong-lâng khan-kâu kái-siāu, in chiah khai-sí kiâⁿ tàu-tīn. In nn̄g-lâng hō·-siong kó·-lē, chò-hóe phah-piàⁿ, ēng in ka-kī ê siang-chhiú hùn-tàu chhut ka-kī ê chi̍t-phìⁿ thiⁿ, chiâⁿ-chòe chi̍t-tùi chiok chhut-miâ ê im-ga̍k chó·-ha̍p.
Chi̍t-ê kò·-sū siōng chú-iàu sī leh kà-sī sè-kan ê gín-á-hiaⁿ "chòe koe to̍h chhéng, chòe lâng to̍h péng", "chi̍t-ki chháu chi̍t-tiám lō·", chí-beh khéng phah-piàⁿ, khah kan-kó· mā ē chhut-thâu-thiⁿ.
Kò·sū sī chioh "nn̄g-lia̍p chhèng-chí" lâi pí-lū chit 2-ê "m̄ jīn-su, khéng phah-piàⁿ" ê lâng. In-hô beh ēng "chhèng-chí" lâi chòe pí-lūn--leh? Tāi-khài sī in-ūi chhèng-chí hō· lâng kám-kak "sok-tō· kín", koh chiâⁿ "gâu chǹg", ēng án-ni lâi pí-lū chi̍t-ê lâng chiâⁿ "nǹg-chǹg", chiâⁿ kut-la̍t teh chòe tāi-chì.
Góa cha-àm teh siá 〈Nn̄g-lia̍p Chhèng-chí〉 ê sî, ka-kī mā lio̍h-á ū khì siūⁿ-tio̍h kū-nî (2004 nî) hoat-seng tī Tâi-oân ê "319 · Chhèng-kek-àn". Pún-chiâⁿ sī siūⁿ-kóng beh lâi kā kái-soeh--chi̍t-ē, têng-chheng che "〈Nn̄g-lia̍p Chhèng-chí〉" khêng-si̍t kah "Tâi-lâm 319 Àn" bô-tī-tāi. Put-jî-kò in-ūi khak-si̍t sī chin oàⁿ--ah, lâng mā chiâⁿ ài-khùn, choăⁿ pīn-toāⁿ koh kái-soeh--lo̍h-khì...Siūⁿ-bōe-kàu oân-á sī lâi chō-sêng chi̍t-kóa gō·-hoē...
〈Nn̄g-lia̍p Chhèng-chí〉goân-té sī chi̍t-chhut gín-á-kó·(jî-tông kò·-sū) ê lā-thâu-oē. Chit-chhut kò·-sū ê lōe-iông tāi-khài sī teh kóng, ū nn̄g-ê phòa-siùⁿ ê sàn-hiong-lâng, chi̍t-ê ba̍k-chiu chhiⁿ-mî, koh chi̍t-ê pái-ka. Chit 2-ê lâng sui-jiân hêng-tōng bô hong-piān, put-jî-kò in lóng chiâⁿ ài im-ga̍k, lóng ū chin koân ê gē-su̍t châi-hôa. Chho·-khí-seng, in nn̄g-ê lâng pēng-bô se̍k-sāi, āu--lâi, thong-kè chi̍t-ê tiong-lâng khan-kâu kái-siāu, in chiah khai-sí kiâⁿ tàu-tīn. In nn̄g-lâng hō·-siong kó·-lē, chò-hóe phah-piàⁿ, ēng in ka-kī ê siang-chhiú hùn-tàu chhut ka-kī ê chi̍t-phìⁿ thiⁿ, chiâⁿ-chòe chi̍t-tùi chiok chhut-miâ ê im-ga̍k chó·-ha̍p.
Chi̍t-ê kò·-sū siōng chú-iàu sī leh kà-sī sè-kan ê gín-á-hiaⁿ "chòe koe to̍h chhéng, chòe lâng to̍h péng", "chi̍t-ki chháu chi̍t-tiám lō·", chí-beh khéng phah-piàⁿ, khah kan-kó· mā ē chhut-thâu-thiⁿ.
Kò·sū sī chioh "nn̄g-lia̍p chhèng-chí" lâi pí-lū chit 2-ê "m̄ jīn-su, khéng phah-piàⁿ" ê lâng. In-hô beh ēng "chhèng-chí" lâi chòe pí-lūn--leh? Tāi-khài sī in-ūi chhèng-chí hō· lâng kám-kak "sok-tō· kín", koh chiâⁿ "gâu chǹg", ēng án-ni lâi pí-lū chi̍t-ê lâng chiâⁿ "nǹg-chǹg", chiâⁿ kut-la̍t teh chòe tāi-chì.
Góa cha-àm teh siá 〈Nn̄g-lia̍p Chhèng-chí〉 ê sî, ka-kī mā lio̍h-á ū khì siūⁿ-tio̍h kū-nî (2004 nî) hoat-seng tī Tâi-oân ê "319 · Chhèng-kek-àn". Pún-chiâⁿ sī siūⁿ-kóng beh lâi kā kái-soeh--chi̍t-ē, têng-chheng che "〈Nn̄g-lia̍p Chhèng-chí〉" khêng-si̍t kah "Tâi-lâm 319 Àn" bô-tī-tāi. Put-jî-kò in-ūi khak-si̍t sī chin oàⁿ--ah, lâng mā chiâⁿ ài-khùn, choăⁿ pīn-toāⁿ koh kái-soeh--lo̍h-khì...Siūⁿ-bōe-kàu oân-á sī lâi chō-sêng chi̍t-kóa gō·-hoē...
Posted by limkianhui at 22:15│TrackBack(0)
│在地歌詩
この記事へのトラックバックURL
http://limkianhui.ti-da.net/t504341
沖縄の美容室特集
