鹭水芗南-闽南语部落

按牛冬hia瞭解講逐年的公曆2月21號，是「國際母語日」。世間儂安排佇即一日來紀念人類各族群的母語。我咧想，chiah-ê逐年to互儂佇咧紀念的「母語」，應該m̄-nā包括現子時猶佫「活著」的語言niā，應該嘛是有包括進前已經「過身」去啊的「語言」，呣知我即个看法，著抑是呣著？

聽講中國今年 oân-á「摜籃仔假燒金」，假意卜來舉辦「紀念」活動，真正是「六月芥菜——假有心」！哭夭，去hông 幹幹咧 咔有影啦！呣免咧假好衰，恁父早著已經共汝看出出囉！有hit- lō漚政策「死豬鎮砧」鎮tiâu-tiâu，戲佫咔安怎搬，著oân-á親像一仙「布袋戲尪仔——秦假仙（真假仙）」啦。政府beh安怎變弄佮車盤，「he是in兜的代誌」，咱實在無心情佮in舞摻落去，橫直in自頭遘尾攏kan-taⁿ 為著「普通話」，佇in的心肝裡，bōe輸 kan-taⁿ 普通話chiah 是「漢語」，iah其它的漢系語言「攏呣是」的款。咱實在想無in是徛在啥物款的立場來咧解讀「母語」即兩字！其實呣是「想無」，是咱「無愛佫替in來思考」即个「自頭就失去理智，又佫無公平」的議題。咱國的語言政策啥款，敢呣是「麻布做裡底褲——看現現」？各位，秤頭 攑有平無？！相信有生目睭的儂，逐个心頭攏知知。好ah，像即款「揬膦」的代誌，加講，是加傷感情niā，mài講也罷！

今年的「國際母語日」的主題，聯合國教科文組織共伊定義做——

朋友nā有瞭解著佫咔儕關於即方面的代誌佮消息，不妨講出來互咱做進一步的瞭解，感謝啦。