2006年03月23日
借字借詞，罔講罔話
頂回，hām台灣的朋友 阿天兄（aThinn）開講，有講著一寡hām漢語言有tī-tāi的：
aThinn講：「Phiju, li u koanchhat-tioh--bo, nachhiunn u chit pouhun e lang, kong Penang Hokkien e si, in e te-ji-tiau puntiau si 升--e, m si降--e... kah Kngtang'oe kangkhoan? Ah goa tuho siunn-long-bo, Han'gi, Oatlamgi tengteng, in e sianntiau na e long chiahnih sio-tuitang?」……
limkianhui講：平平共一个字，hoān-sè無共所在的腔口，聲調著會無共款，這攏是因為「調值teh變化」。調值，著是咱普通時teh講的「腔口」。漢語，是有聲調的語言。聲調，包括「調類」佮「調值」即兩方面的概念。「調類」來講，中古漢語有八个調類（平、上、去、入，各分陰陽），現子時大多數的漢語方言，比論講閩南語、粵語、福州話、客家話……儕少攏有種著（chéng-tio̍h）中古漢語即个特徵，不而過，嘛有特殊的，可比講，北京話kan-na chhun四聲，所以有儂講北京話是瘸跤破相。每一个漢字，攏有一个基本固定的「調類」，也著是講，「調類」基本上會當看做是固定不變的。「調值」是每一个字的音高，是會變化的。舉一例來說明，「賞」即个漢字，是「陰上」調，這是伊的「調類」，是永遠bōe變的。不而過，「賞」字，伊佇各種漢語方言當中，「調值」是無共款的：北京話讀做 /ʂaŋ214/（調值:214）、廈門話讀做/siɔŋ53/（調值:53）、廣州話讀做/sœŋ35/（調值:35）；自使是共一種語言，內部嘛是有腔口的差別，這攏是因為各所在「調值」無共款的原因。「賞」字，用閩南白話字來寫，呣管是泉州抑是廈門，一律寫做"sióng"；不而過，實際的腔口，泉、廈是無共款的，用國際音標來做區別：廈門話「調值」是高降調/siɔŋ53/；泉州話的調值是近似高平調/siɔŋ44/……
路尾，阿天兄 又佫 對著即个話題，提出新的看法（本底是寫POJ，limkianhui翻寫成漢羅）：
對著即个問題，Limkianhui講：阿天兄，汝講著兩方面的問題。一个是「漢字/漢語」本身，佫一个是「借詞」的問題。我hoān-sè也無法度kā汝回答kah真chiâu-chn̂g（因為我確實也是「半桶屎仔」nā-niā~~）。無，咱即mái著一个一个，ta̍uh-ta̍uh-á來講——
（一） 關係漢語的聲韻變遷。
漢字是古早儂發明的，有合(ha̍h)所有的漢系語言來用。即mái所有的漢系語言，雖然儕少攏有一寡仔非漢語的成分佇咧，不而過，即款非漢語的成分攏總無懸（koân），也著是講，in chiah-ê語言當中，主要的構成成分，猶原是漢語。佇chia，咱 代先 著噯 有「原始漢語」即个概念。原始漢語，上古老會當追去遘「上古時代」；當然，上近嘛thèng好追遘「中古時代」。《切韻》、《廣韻》、《集韻》、《說文》……Chiah-ê講的，基本上攏是「中古漢語」，所以，中古漢語，著是咱現子時所有漢系語言（比論講閩南、閩北、福州、客家、粵語、湘語、晉語、北京話……）的「祖語」，也著是「原始漢語」。
原始漢語是一个大範圍的物件，伊是現子時所有漢系語言的源頭，所有的漢系語言攏是按原始漢語分化出來的。原始漢語可比是一个儂的心臟，各種漢語方言，可比是一个儂的跤、手。雖然相互之間愈來愈無法通話，不而過，in攏有共一个祖公，in攏是血脈相連，有共同的特征，攏佮祖語——「原始漢語」保持互相對應的關係。每一種漢系語言攏是自古早，慢慢ùi「原始祖語」發展來的，變化來的。後來的儂，只不過攏是咧繼承in的祖先留落來的話語。所以，後來的儂，准講是農民也好，是漁夫也好，是讀冊儂也罷，橫直in只是咧繼承in頂沿的儂傳互in的語言。因為有安呢的一條「鏈」佇咧約束，chiah-ê漢系語言chiah會當保留「原始漢語」的根本特徵。
越南語，無算漢系語言。不而過，越南語佮漢語，佇歷史上，有真深真久遠的親緣關係。其實，呣是kan-na越南語niā，連日語、朝鮮語，嘛攏佮「原始漢語」對應kah真齊斬（chê-cháⁿ : 整齊），會使講，自古遘即陣，越、日、韓攏是有規律、有系統來維持著in佮「原始漢語」中間的對應關係。這是因為越、日、韓攏有用過漢字，in的語言借用真儕真儕的漢語「字、音」。咱頭拄仔有講著，「即mái所有的漢系語言，儕少攏有一寡仔非漢語的成分佇咧，不而過，即款非漢語的成分攏總無懸」，著是因為「即款非漢語的成分攏總無懸」，所以閩、粵、客、吳……攏總猶佫算是漢語。比論講，閩南語裡底，非漢語的成分差不占 咔無5%。Ah越南語著呣是安呢囉，越南語主要的組成成分，應該呣是漢語，不而過，聽講漢語的成分oân-á占beh遘一半。越語當中chiah-ê占將近50%的漢語成分，既然是ùi漢語來的，當然是遵守「原始漢語」——中古音 平上去入分陰陽的規律，准講呣是完全遵守，無嘛儕少有體現。
（二）借詞的問題。
無共語言之間相互接觸，儕少攏會發生互相借詞的現象。閩南語借馬來語的，反倒轉，馬來語嘛有借用閩南語的。粵語的「埋單」是非漢語成分，即mái存在佇粵語當中，說明chit-ê語詞可能有兩種來源：第一，是屬於古早越族語言一直透保留落來的；第二，嘛有可能是粵語ùi外口借入來的。橫直，不管安怎來的，伊的本性呣是漢語。呣是漢語，伊著無法度佮「原始漢語」相對應，也著是講，伊無受「原始漢語」的約束。講咔透白的，即个語詞只是一个借音詞niâ，伊的源頭呣是漢語，所以，講咔歹聽的，伊根本無固定的漢字通寫。今仔日，儂用漢字的近似音kā寫做「埋單」，hoān-sè眠仔再 soah變成「霾擔」、「賣單」……安呢 嘛無奇怪。可比講，臺灣的閩南語，有日語借詞「tò-sàng」（父親），這嘛是共款的問題，thèng好寫做「多桑」、「叨桑」，據在儂噯，當然，「多桑」咔chia̍p用，用久著會定型。這是頭一層咱著噯瞭解的。佫來，北京話（華語）佫再ùi粵語hia，將「埋單」借去（這算二手的to̍h tio̍h啦）。本成，北京話完全會使tòe廣州話寫做「埋單」著好啊，不過，kiám-chhái北京儂（講北京話的儂）認為講「埋單」互儂 無法度 現看現理解 伊的意思，所以，不如寫做「買單」。像即款「源頭非漢語」的物件，伊 本然 著無 受 漢語 聲韻規律 的 約束，卜 安怎 寫 攏 無要緊。
普通話「拉肚子」，閩南語講「làu-sái」（國際音標/lau52 sai52/）。佇臺灣，「làu-sái」去互華語借去用，佫 連 講法、聲調 佮 閩南語 嘛攏 完全 共款。初初現聽著，hoān-sè攏會感覺誠奇，iah事實上，這嘛呣是kài歹理解。臺灣的華語會完全照搬閩南語的講法，he定著是有先經過一段時間以後，慢慢chiah佫「消化」落去的。咱會當做一比論：拄頭仔，是外省儂為著某物原因，去學臺灣在地儂講話，學in講「làu-sái」，講一下久，soah慣勢，「乞食趕廟公」，外來的「làu-sái」soah 趕走 本底hit-ê正港的華語詞「拉肚子」。著是chiah簡單的代誌。我會當佫舉一个例。中國福建南部的詔安縣，也有閩南儂，也有客家儂。當地的客家話裡底，著有bē少閩南語的借詞。我有一个同學，伊著是詔安縣的客家儂。伊捌kā我講過一个類似的經驗。伊講，細漢的時陣，伊攏呣捌行出in hit个鄉鎮，一直遘kah讀中學了後 chiah開始接觸著閩南儂，嘛是hit陣chiah知影講 客家話（詔安客話）當中的「ngó·-hiang」原來著是閩南語的借詞，連講法嘛完全攏是照搬閩南語。伊講莫怪細漢的時，直直想無為啥物「五香」卜讀做「ngó·-hiang」。
所以，像即款外來的借詞（是借「詞」，呣是單純借「字」、借「音」），實在真複雜，又佫真活，呣管是按叨位借來，是兄弟語言也好，是外語也好，攏 呣是講 的確 著 遵守 語言的聲韻規律。
ps: 【佮本文有牽連的文章】
☆★《新、馬地區的福建話，變啥款囉？》
即个講法會當解說（kái-soeh）所有「漢語系」 語言的調類，iah呣佫，摻 越南語裡底的漢語語詞的調類嘛有佮 《切韻》 相對同。哪安呢？？Hiah-ê語詞 准講 是 無共 時代 漸漸仔 借入去的，in的調類哪會hiah密（bā）？敢講 in攏是透過書面借過去的？
Ah譬如，佇古早時代的閩南，見nā（每逢）有移民入去閩南開墾，移民語言佮在地語言敢bē濫做夥，透過久久長長的接續chiah勻勻仔hông攪互勻？Ah佇即款過程當中，siáng khah 會 知影 某物 音節 的 調類？普通時儂攏khah會捌「調值」，tio̍h無？結果調類soah嘛維持kah加真整齊!?!
講著儂對調值的瞭解，我舉例：taⁿ 華語世界有足儕儂去餐廳食飯 食了的時，伊會kā服務生講一聲「買單」。(上無 阮chia America "番爿" 攏安呢講的。) 即个語詞源頭是廣東話的 /mai21 tan55/。普通時寫做「埋單」。(/mai21/ 是 廣東話的一个足重要的文法語詞，有「兩爿揪相倚，合起來 to̍h煞」的意思，本底呣是漢語。） Ah-nā卜按照調類，講華語的時陣應該講/mai35/ 單，安呢 呣 chiah 合 調類?
佫舉例：佇台灣，足儕bē-hiáng講Holo話的儂，嘛有teh用「漏屎」 即个語詞。我有一个阿姨本然soah呣知影he是Holo話，伊 掠做 /lau52 sai52/ 是正港的華語。即款語詞借入去華語，應該講做 /lou52 ʂϊ213/ 抑是 /lou52 sϊ21/ 抑是 /lau52 sai21/，安呢 呣 chiah 會 合 調類?
所以，既然咱chiah-ê捌字的，太空時代的儂 攏嘛無teh插（chhap）調類，ah 古早時代作田（作塍）兮 佮 討海兮 是 哪會 舞 互 hiah 清楚的？
對著即个問題，Limkianhui講：阿天兄，汝講著兩方面的問題。一个是「漢字/漢語」本身，佫一个是「借詞」的問題。我hoān-sè也無法度kā汝回答kah真chiâu-chn̂g（因為我確實也是「半桶屎仔」nā-niā~~）。無，咱即mái著一个一个，ta̍uh-ta̍uh-á來講——
（一） 關係漢語的聲韻變遷。
漢字是古早儂發明的，有合(ha̍h)所有的漢系語言來用。即mái所有的漢系語言，雖然儕少攏有一寡仔非漢語的成分佇咧，不而過，即款非漢語的成分攏總無懸（koân），也著是講，in chiah-ê語言當中，主要的構成成分，猶原是漢語。佇chia，咱 代先 著噯 有「原始漢語」即个概念。原始漢語，上古老會當追去遘「上古時代」；當然，上近嘛thèng好追遘「中古時代」。《切韻》、《廣韻》、《集韻》、《說文》……Chiah-ê講的，基本上攏是「中古漢語」，所以，中古漢語，著是咱現子時所有漢系語言（比論講閩南、閩北、福州、客家、粵語、湘語、晉語、北京話……）的「祖語」，也著是「原始漢語」。
原始漢語是一个大範圍的物件，伊是現子時所有漢系語言的源頭，所有的漢系語言攏是按原始漢語分化出來的。原始漢語可比是一个儂的心臟，各種漢語方言，可比是一个儂的跤、手。雖然相互之間愈來愈無法通話，不而過，in攏有共一个祖公，in攏是血脈相連，有共同的特征，攏佮祖語——「原始漢語」保持互相對應的關係。每一種漢系語言攏是自古早，慢慢ùi「原始祖語」發展來的，變化來的。後來的儂，只不過攏是咧繼承in的祖先留落來的話語。所以，後來的儂，准講是農民也好，是漁夫也好，是讀冊儂也罷，橫直in只是咧繼承in頂沿的儂傳互in的語言。因為有安呢的一條「鏈」佇咧約束，chiah-ê漢系語言chiah會當保留「原始漢語」的根本特徵。
越南語，無算漢系語言。不而過，越南語佮漢語，佇歷史上，有真深真久遠的親緣關係。其實，呣是kan-na越南語niā，連日語、朝鮮語，嘛攏佮「原始漢語」對應kah真齊斬（chê-cháⁿ : 整齊），會使講，自古遘即陣，越、日、韓攏是有規律、有系統來維持著in佮「原始漢語」中間的對應關係。這是因為越、日、韓攏有用過漢字，in的語言借用真儕真儕的漢語「字、音」。咱頭拄仔有講著，「即mái所有的漢系語言，儕少攏有一寡仔非漢語的成分佇咧，不而過，即款非漢語的成分攏總無懸」，著是因為「即款非漢語的成分攏總無懸」，所以閩、粵、客、吳……攏總猶佫算是漢語。比論講，閩南語裡底，非漢語的成分差不占 咔無5%。Ah越南語著呣是安呢囉，越南語主要的組成成分，應該呣是漢語，不而過，聽講漢語的成分oân-á占beh遘一半。越語當中chiah-ê占將近50%的漢語成分，既然是ùi漢語來的，當然是遵守「原始漢語」——中古音 平上去入分陰陽的規律，准講呣是完全遵守，無嘛儕少有體現。
（二）借詞的問題。
無共語言之間相互接觸，儕少攏會發生互相借詞的現象。閩南語借馬來語的，反倒轉，馬來語嘛有借用閩南語的。粵語的「埋單」是非漢語成分，即mái存在佇粵語當中，說明chit-ê語詞可能有兩種來源：第一，是屬於古早越族語言一直透保留落來的；第二，嘛有可能是粵語ùi外口借入來的。橫直，不管安怎來的，伊的本性呣是漢語。呣是漢語，伊著無法度佮「原始漢語」相對應，也著是講，伊無受「原始漢語」的約束。講咔透白的，即个語詞只是一个借音詞niâ，伊的源頭呣是漢語，所以，講咔歹聽的，伊根本無固定的漢字通寫。今仔日，儂用漢字的近似音kā寫做「埋單」，hoān-sè眠仔再 soah變成「霾擔」、「賣單」……安呢 嘛無奇怪。可比講，臺灣的閩南語，有日語借詞「tò-sàng」（父親），這嘛是共款的問題，thèng好寫做「多桑」、「叨桑」，據在儂噯，當然，「多桑」咔chia̍p用，用久著會定型。這是頭一層咱著噯瞭解的。佫來，北京話（華語）佫再ùi粵語hia，將「埋單」借去（這算二手的to̍h tio̍h啦）。本成，北京話完全會使tòe廣州話寫做「埋單」著好啊，不過，kiám-chhái北京儂（講北京話的儂）認為講「埋單」互儂 無法度 現看現理解 伊的意思，所以，不如寫做「買單」。像即款「源頭非漢語」的物件，伊 本然 著無 受 漢語 聲韻規律 的 約束，卜 安怎 寫 攏 無要緊。
普通話「拉肚子」，閩南語講「làu-sái」（國際音標/lau52 sai52/）。佇臺灣，「làu-sái」去互華語借去用，佫 連 講法、聲調 佮 閩南語 嘛攏 完全 共款。初初現聽著，hoān-sè攏會感覺誠奇，iah事實上，這嘛呣是kài歹理解。臺灣的華語會完全照搬閩南語的講法，he定著是有先經過一段時間以後，慢慢chiah佫「消化」落去的。咱會當做一比論：拄頭仔，是外省儂為著某物原因，去學臺灣在地儂講話，學in講「làu-sái」，講一下久，soah慣勢，「乞食趕廟公」，外來的「làu-sái」soah 趕走 本底hit-ê正港的華語詞「拉肚子」。著是chiah簡單的代誌。我會當佫舉一个例。中國福建南部的詔安縣，也有閩南儂，也有客家儂。當地的客家話裡底，著有bē少閩南語的借詞。我有一个同學，伊著是詔安縣的客家儂。伊捌kā我講過一个類似的經驗。伊講，細漢的時陣，伊攏呣捌行出in hit个鄉鎮，一直遘kah讀中學了後 chiah開始接觸著閩南儂，嘛是hit陣chiah知影講 客家話（詔安客話）當中的「ngó·-hiang」原來著是閩南語的借詞，連講法嘛完全攏是照搬閩南語。伊講莫怪細漢的時，直直想無為啥物「五香」卜讀做「ngó·-hiang」。
所以，像即款外來的借詞（是借「詞」，呣是單純借「字」、借「音」），實在真複雜，又佫真活，呣管是按叨位借來，是兄弟語言也好，是外語也好，攏 呣是講 的確 著 遵守 語言的聲韻規律。
ps: 【佮本文有牽連的文章】
☆★《新、馬地區的福建話，變啥款囉？》
この記事へのトラックバックURL
http://limkianhui.ti-da.net/t726009
この記事へのトラックバック
頂回，hām台灣的朋友 阿天兄（aThinn）開講，有 講著 一寡 佮 漢語言 有 tī-tāi的：aThinn講：「Phiju, li u koanc
借字借詞，罔講罔話【鹭水芗南-闽南语部落】at 2006年03月25日 13:33
この記事へのコメント
阿輝兄，
我想，汝ê講法是現此時tī學術箍á siōng chē lâng所接受ê講法。但是…
(1) 語詞是借ê抑是祖傳ê，beh án-chóaⁿ chai-iáⁿ？
樹oe理論講著祖傳，意思是講，he是傳落來ê，m̄是借入來ê。（哪chai-iáⁿ m是借入來ê？）因為有對應關係。（抑越南語、众壯語言等等及中古漢語ê對應關係leh?）He是例外，he攏是借入去ê…
「Mâai單」、「漏屎」及台語「酸素」（sàng-sò͘）chit款ê外來詞，照講攏是例外。總是現代語言無論tī首都抑是莊kha抑是內山ê樹林á內，攏永永有外來詞teh出草。Kám講khah早ê語言soah m是án-né生?現代歷史語言學teh主張「祖傳為主，sio借為輔」，抑m-koh,除了外太平洋ê海島以外，che kám合事實？
(2) chiâⁿ、chhiâⁿ、siâⁿ、sêng...
Nā講著祖傳，「成」會tàng祖傳幾pái？
Nā講著借語詞，讀冊音是m̄是攏總透過書面來借ê？古早lâng 普通m bat字，對白話音、讀冊音照講是無概念ê。Kám講讀冊lâng ê影響有hiah闊、hiah深？
(3) Kám講古早漢語內底siáⁿ乜攏有？
現代漢語語系ê語言，無一ê完全吸收著古早漢語所有ê成分ê。Chún講in吸收漢外ê成分mā吸收了無kah-jōa chē，án-ne，kám講「古早漢語」是一ê超語言、一ê非常語言？
(4) 古早閩語ê老pē chún講是上古漢語…
抑中古漢語kám m是古早閩語ê姪á？是siáng teh kā siáng祖傳？
(5) Khah偏僻ê所在ê漢語，「古越語」底層是m̄是會khah深？
我ê印像是，台山話ê底層成分to̍h有比廣府話khah chē。龍岩、埔chhân及永安ê在地語言，hōan勢底層成分會比閩東、漳、泉khah chē淡薄á？Che我to̍h無清楚。研究「方言」ê學者，kàu taⁿ mā攏teh報聲韻資料nā-niā。
海南北部平埔ê「村話」siōng趣味。看款伊ê漢化ê程度及in厝邊隔壁ê海南閩語差無gōa-chē。伊算講是侗泰語底層khah厚ê漢語語言，抑是不止á漢化ê侗泰語言？
我想，汝ê講法是現此時tī學術箍á siōng chē lâng所接受ê講法。但是…
(1) 語詞是借ê抑是祖傳ê，beh án-chóaⁿ chai-iáⁿ？
樹oe理論講著祖傳，意思是講，he是傳落來ê，m̄是借入來ê。（哪chai-iáⁿ m是借入來ê？）因為有對應關係。（抑越南語、众壯語言等等及中古漢語ê對應關係leh?）He是例外，he攏是借入去ê…
「Mâai單」、「漏屎」及台語「酸素」（sàng-sò͘）chit款ê外來詞，照講攏是例外。總是現代語言無論tī首都抑是莊kha抑是內山ê樹林á內，攏永永有外來詞teh出草。Kám講khah早ê語言soah m是án-né生?現代歷史語言學teh主張「祖傳為主，sio借為輔」，抑m-koh,除了外太平洋ê海島以外，che kám合事實？
(2) chiâⁿ、chhiâⁿ、siâⁿ、sêng...
Nā講著祖傳，「成」會tàng祖傳幾pái？
Nā講著借語詞，讀冊音是m̄是攏總透過書面來借ê？古早lâng 普通m bat字，對白話音、讀冊音照講是無概念ê。Kám講讀冊lâng ê影響有hiah闊、hiah深？
(3) Kám講古早漢語內底siáⁿ乜攏有？
現代漢語語系ê語言，無一ê完全吸收著古早漢語所有ê成分ê。Chún講in吸收漢外ê成分mā吸收了無kah-jōa chē，án-ne，kám講「古早漢語」是一ê超語言、一ê非常語言？
(4) 古早閩語ê老pē chún講是上古漢語…
抑中古漢語kám m是古早閩語ê姪á？是siáng teh kā siáng祖傳？
(5) Khah偏僻ê所在ê漢語，「古越語」底層是m̄是會khah深？
我ê印像是，台山話ê底層成分to̍h有比廣府話khah chē。龍岩、埔chhân及永安ê在地語言，hōan勢底層成分會比閩東、漳、泉khah chē淡薄á？Che我to̍h無清楚。研究「方言」ê學者，kàu taⁿ mā攏teh報聲韻資料nā-niā。
海南北部平埔ê「村話」siōng趣味。看款伊ê漢化ê程度及in厝邊隔壁ê海南閩語差無gōa-chē。伊算講是侗泰語底層khah厚ê漢語語言，抑是不止á漢化ê侗泰語言？
Posted by aThinn at 2006年03月24日 16:24
阿天兄：汝提hiah-ê問題，攏真有意義，不而過，我即擺真正互汝舞一下「龜跤攏趖趖出來」囉！呵呵，趁食bē倒。。呵呵。。Taⁿ，心適心適，准講講了呣著去，嘛無要緊啦，儂講有認真著有進步，罔開講，嘛是bē bái啦——
1、語詞是借的抑祖傳的？我想，閩南語裡底，大多數的語詞攏有法度稽考，另外一部分，現子時為止猶lia̍h bōe 准，比論講"chim"（吻）、"lim"(飲)，但是即款的語詞其實無儕。“是呣是借入來的，抑是祖傳的”？卜講這進前，代先噯看汝對即種語言的定位啥款，看伊的母體是漢、抑是非漢。閩南語來講，伊有將近95%的語詞攏chhām中古漢語佮其它的漢系方言有對同；佫來，伊（閩南語）的文法語句，雖然有家己的風格，呣佫，總的來講，猶佫是hām現代華語抑是講古漢文差無真儕。所以，咱講閩南語是漢語。現子時，閩南語裡底，任何一个語詞，只卜會當佇上古漢語、中古漢語當中chhōe著有牽連的物件，應該講，著會當大膽講he是漢語祖傳落來的。
2、"古早閩語"？Nā我理解，有兩款意思。（1）一是：漢語，算是“古早時代（中古以前）流傳佇福建所在的漢語”，可能著是一種“上古漢語”，但是 kah“中原地區的上古漢語”有精差。（2）二是：非漢語，算是“古早時代（中古以前）流傳佇福建地區的非漢族（當時的原住民）語言”。到底是叨一種咧？這實在真歹講。He著噯去瞭解福建所在的歷史、瞭解漢人移民福建的歷史。在咱瞭解，漢人大批移民福建，上早差不多是佇唐朝hit暫開始的，ah佇這進前，只是個別、抑是講少數的漢人來niâ。Ah事實上，漢語嘛是唐代chiah開始有佇咧福建地區流傳。咱所講的“中古”，嘛著是“唐代”hit當陣。唐代大批中原漢人帶著hit時的中原漢語（中古音）來遘福建了後，原底在地的原住民自安呢互in同化囉，chiah-ê原住民的語言，基本上嘛是去互中原漢語同化了了，kan-na chhun咔無2~3%保留落來，這ùi現子時閩南語保留著2~3%古越語的成分，著有所體會。所以，我是khah信講，唐代之前，福建地區的語言呣是漢語，佮漢語無共款；唐代了後，福建地區的語言，是漢語，佮中古音有真親真親的親chiâⁿ關係。
3、白話音佮讀冊音，算講是「兩个無共層次」的語音系統，這是會當確定的代誌。不而過，in到底是安怎來的，啥物時陣來的？又佫是安怎分化的？即个問題，遘taⁿ無儂講會清楚。基本上，有一點會當肯定的是講，讀冊音是ùi「中古音」一路祖傳落來的。Ah nā白話音，著無儂講會清，有的講是漢代著有啊；有的講呣是。Ah個人有一个咔幼稚的看法是安呢，我認為白話音hoān-sè是佮讀冊音共款，攏是由當時移民遘閩地的中原漢人帶來的。也著是講，唐代hit陣仔，中原某物地區（呣是規个中原地區）的漢語，著已經有白話音佮讀冊音的分別囉，當然，白話音存在的歷史可能比讀冊音咔久長。讀冊音上早是按書面語來的，這是肯定的，不而過，這hoān-sè bē使講「借來的」。我感覺講，每一種語言攏是 某一个所在全社會的各行各業、各種儂佇咧講的、是“整體形態存在”的物件。古早雖然科學無比即陣，捌字的儂嘛無比即陣，不而過，學堂呣是無啊？有學堂，著有讀冊儂。學堂的先生教學生漢字的讀冊音，嘛講解漢文、漢字的意思，iah定著是用“生活語言”（白話音）落去講解，安呢學生自然著會捌thang“文白對應”，知影文白對應的規律。讀冊儂佇社會咧生活，社會上猶佫有農、工、商等等各行業，自然是互相交插，所以，讀冊音會慢慢按學堂傳播遘全社會當中；佫再講，戲曲、講古、音樂等等的民間藝術嘛會當傳播讀冊音，敢呣是？所以，佇即款環境之下，全社會的百姓 in咧講話的時陣，自然著會曉分別文音、白話音。所以，百姓儂無需要去學語言學方面關係文、白對應的理論智識，著自然會曉分別文音、白話音；不而過，汝nā卜叫伊講出其中的道理，普通儂伊無法度講互汝聽，因為伊無學過語言學的概念。
4、敢講「古早漢語」是一ê超語言、一ê非常語言？我講，歷史上應該無存在即款超凡的語言。古漢語，佮現代漢語的關係，可比祖宗佮囝孫的關係。舉一个例，林則徐原底是福建儂，捌互大清朝庭踢去遘新疆，伊佇即兩个所在攏有娶姥生囝。現子時，林則徐的囝孫會當講是滿天下，新疆也有，福州也有，米國也有，南洋也有，真正儕kah that倒街。林家囝孫佇外國，准講有濫著外族、外姓的血……總是，in身軀頂流的猶原是林則徐的血，in攏有林則徐的某寡特徵佇咧，是呣是安呢？
5、敢是“Khah偏僻ê所在ê漢語，‘古越語’底層是m̄是會khah深？”這我無去比較過，嘛無啥瞭解neh，不而過，我聽講ná像也是無絕對。
阿天兄，今仔日 暫時先講遘chia，真正有感覺講「腹裡無膏——ián儂bē倒」。看即款pān勢，我噯佫來去充電一下咔有影。
1、語詞是借的抑祖傳的？我想，閩南語裡底，大多數的語詞攏有法度稽考，另外一部分，現子時為止猶lia̍h bōe 准，比論講"chim"（吻）、"lim"(飲)，但是即款的語詞其實無儕。“是呣是借入來的，抑是祖傳的”？卜講這進前，代先噯看汝對即種語言的定位啥款，看伊的母體是漢、抑是非漢。閩南語來講，伊有將近95%的語詞攏chhām中古漢語佮其它的漢系方言有對同；佫來，伊（閩南語）的文法語句，雖然有家己的風格，呣佫，總的來講，猶佫是hām現代華語抑是講古漢文差無真儕。所以，咱講閩南語是漢語。現子時，閩南語裡底，任何一个語詞，只卜會當佇上古漢語、中古漢語當中chhōe著有牽連的物件，應該講，著會當大膽講he是漢語祖傳落來的。
2、"古早閩語"？Nā我理解，有兩款意思。（1）一是：漢語，算是“古早時代（中古以前）流傳佇福建所在的漢語”，可能著是一種“上古漢語”，但是 kah“中原地區的上古漢語”有精差。（2）二是：非漢語，算是“古早時代（中古以前）流傳佇福建地區的非漢族（當時的原住民）語言”。到底是叨一種咧？這實在真歹講。He著噯去瞭解福建所在的歷史、瞭解漢人移民福建的歷史。在咱瞭解，漢人大批移民福建，上早差不多是佇唐朝hit暫開始的，ah佇這進前，只是個別、抑是講少數的漢人來niâ。Ah事實上，漢語嘛是唐代chiah開始有佇咧福建地區流傳。咱所講的“中古”，嘛著是“唐代”hit當陣。唐代大批中原漢人帶著hit時的中原漢語（中古音）來遘福建了後，原底在地的原住民自安呢互in同化囉，chiah-ê原住民的語言，基本上嘛是去互中原漢語同化了了，kan-na chhun咔無2~3%保留落來，這ùi現子時閩南語保留著2~3%古越語的成分，著有所體會。所以，我是khah信講，唐代之前，福建地區的語言呣是漢語，佮漢語無共款；唐代了後，福建地區的語言，是漢語，佮中古音有真親真親的親chiâⁿ關係。
3、白話音佮讀冊音，算講是「兩个無共層次」的語音系統，這是會當確定的代誌。不而過，in到底是安怎來的，啥物時陣來的？又佫是安怎分化的？即个問題，遘taⁿ無儂講會清楚。基本上，有一點會當肯定的是講，讀冊音是ùi「中古音」一路祖傳落來的。Ah nā白話音，著無儂講會清，有的講是漢代著有啊；有的講呣是。Ah個人有一个咔幼稚的看法是安呢，我認為白話音hoān-sè是佮讀冊音共款，攏是由當時移民遘閩地的中原漢人帶來的。也著是講，唐代hit陣仔，中原某物地區（呣是規个中原地區）的漢語，著已經有白話音佮讀冊音的分別囉，當然，白話音存在的歷史可能比讀冊音咔久長。讀冊音上早是按書面語來的，這是肯定的，不而過，這hoān-sè bē使講「借來的」。我感覺講，每一種語言攏是 某一个所在全社會的各行各業、各種儂佇咧講的、是“整體形態存在”的物件。古早雖然科學無比即陣，捌字的儂嘛無比即陣，不而過，學堂呣是無啊？有學堂，著有讀冊儂。學堂的先生教學生漢字的讀冊音，嘛講解漢文、漢字的意思，iah定著是用“生活語言”（白話音）落去講解，安呢學生自然著會捌thang“文白對應”，知影文白對應的規律。讀冊儂佇社會咧生活，社會上猶佫有農、工、商等等各行業，自然是互相交插，所以，讀冊音會慢慢按學堂傳播遘全社會當中；佫再講，戲曲、講古、音樂等等的民間藝術嘛會當傳播讀冊音，敢呣是？所以，佇即款環境之下，全社會的百姓 in咧講話的時陣，自然著會曉分別文音、白話音。所以，百姓儂無需要去學語言學方面關係文、白對應的理論智識，著自然會曉分別文音、白話音；不而過，汝nā卜叫伊講出其中的道理，普通儂伊無法度講互汝聽，因為伊無學過語言學的概念。
4、敢講「古早漢語」是一ê超語言、一ê非常語言？我講，歷史上應該無存在即款超凡的語言。古漢語，佮現代漢語的關係，可比祖宗佮囝孫的關係。舉一个例，林則徐原底是福建儂，捌互大清朝庭踢去遘新疆，伊佇即兩个所在攏有娶姥生囝。現子時，林則徐的囝孫會當講是滿天下，新疆也有，福州也有，米國也有，南洋也有，真正儕kah that倒街。林家囝孫佇外國，准講有濫著外族、外姓的血……總是，in身軀頂流的猶原是林則徐的血，in攏有林則徐的某寡特徵佇咧，是呣是安呢？
5、敢是“Khah偏僻ê所在ê漢語，‘古越語’底層是m̄是會khah深？”這我無去比較過，嘛無啥瞭解neh，不而過，我聽講ná像也是無絕對。
阿天兄，今仔日 暫時先講遘chia，真正有感覺講「腹裡無膏——ián儂bē倒」。看即款pān勢，我噯佫來去充電一下咔有影。
Posted by limkianhui at 2006年03月24日 23:36
阿輝兄，
Lán chia teh討論ê chit ê議題是要緊ê。我感覺，對學術箍á來講，漢to̍h是漢，番to̍h是番，歷史to̍h是歷史，現代to̍h是現代，甚至方言學及語言學都無仝。政治teh保守，學術mā tòe leh保守。恐驚等kàu in nā beh精神進前，唐山ê众語言to̍h攏已經對削kàu伸十ê、二十ê kha兜。Nā-chún失去著埔田話，各種「古早閩語」beh熟似mā khah bē hiah chiâu全ah｡
仝款，hōan勢我ê看法本底mā有大細心tī-leh｡閩南語khah漢，越南語khah無漢，che bē-tàng否認。比閩南語koh-khah蠻，koh比越南語koh-khah漢ê語言，kiám-chhái bē pháiⁿ-chhōe，m̄-koh nā beh講khah詳細，我是「半桶屎á」都bē kàu！
Siōng無，lán有teh kā the̍h來討論啦．
阿天上
Lán chia teh討論ê chit ê議題是要緊ê。我感覺，對學術箍á來講，漢to̍h是漢，番to̍h是番，歷史to̍h是歷史，現代to̍h是現代，甚至方言學及語言學都無仝。政治teh保守，學術mā tòe leh保守。恐驚等kàu in nā beh精神進前，唐山ê众語言to̍h攏已經對削kàu伸十ê、二十ê kha兜。Nā-chún失去著埔田話，各種「古早閩語」beh熟似mā khah bē hiah chiâu全ah｡
仝款，hōan勢我ê看法本底mā有大細心tī-leh｡閩南語khah漢，越南語khah無漢，che bē-tàng否認。比閩南語koh-khah蠻，koh比越南語koh-khah漢ê語言，kiám-chhái bē pháiⁿ-chhōe，m̄-koh nā beh講khah詳細，我是「半桶屎á」都bē kàu！
Siōng無，lán有teh kā the̍h來討論啦．
阿天上
Posted by aThinn at 2006年03月25日 04:52
＞ in攏有林則徐的某寡特徵佇咧，是呣是安呢？
是án-ne,總是in攏mā有林則徐ê众bó͘ ê無仝ê特徵，50%-50%！
是án-ne,總是in攏mā有林則徐ê众bó͘ ê無仝ê特徵，50%-50%！
Posted by aThinn at 2006年03月25日 05:06
阿天兄：
我猶是咔主張 漢語系 是一个大家族，對古遘taⁿ，有分有合，呣佫，總的血統無變。即當中，上重要的，著是靠漢字teh維持即个家族成員的血緣關係。假使漢字nā廢掉，改用羅馬字來講，漢語即个大家族著會慢慢仔四散五路去，最後一代親，二代表，三代無了了，成做佮歐洲共款的情形。
我猶是咔主張 漢語系 是一个大家族，對古遘taⁿ，有分有合，呣佫，總的血統無變。即當中，上重要的，著是靠漢字teh維持即个家族成員的血緣關係。假使漢字nā廢掉，改用羅馬字來講，漢語即个大家族著會慢慢仔四散五路去，最後一代親，二代表，三代無了了，成做佮歐洲共款的情形。
Posted by limkianhui at 2006年03月25日 12:29
阿輝兄，
汝講ê有道理 。希望未來，資料、證據會jú-khah chiâu全。一百冬以後 ê「結論」，hōan勢lán 兩ê攏料想bē-kàu。
其實，歐洲ê語言講四散mā bē hiah-nih 四散啦。假使講西歐，西語、葡語中間ê精差to̍h親像潮語、閩南語ê精差nā-tiāⁿ：兩爿beh 開講mā有發度。西語、官方法語中間ê關係to̍h ná 假ná閩南語、閩東語ê關係：兩爿雖然差khah遠，但是文法、語詞猶算講sio-siâng。官方荷蘭語及英語中間mā是án-ne ｡抑閩南語及華語ê距離to̍h真正bē 輸法語、英語中間hiah… hiah… hiah遠bē離、giú bē 倚，jú正式ê話to̍h jú sio仝。
其實，中國hit爿ê語言學學者應該the̍h in ê思想去分拆全世界ê語言。逐ê nā tiāⁿ-tiāⁿ sio-khia （會使án-ne講bē ？）、對批評，án-ne學術chiah會有進步。
汝講ê有道理 。希望未來，資料、證據會jú-khah chiâu全。一百冬以後 ê「結論」，hōan勢lán 兩ê攏料想bē-kàu。
其實，歐洲ê語言講四散mā bē hiah-nih 四散啦。假使講西歐，西語、葡語中間ê精差to̍h親像潮語、閩南語ê精差nā-tiāⁿ：兩爿beh 開講mā有發度。西語、官方法語中間ê關係to̍h ná 假ná閩南語、閩東語ê關係：兩爿雖然差khah遠，但是文法、語詞猶算講sio-siâng。官方荷蘭語及英語中間mā是án-ne ｡抑閩南語及華語ê距離to̍h真正bē 輸法語、英語中間hiah… hiah… hiah遠bē離、giú bē 倚，jú正式ê話to̍h jú sio仝。
其實，中國hit爿ê語言學學者應該the̍h in ê思想去分拆全世界ê語言。逐ê nā tiāⁿ-tiāⁿ sio-khia （會使án-ne講bē ？）、對批評，án-ne學術chiah會有進步。
Posted by aThinn at 2006年03月26日 06:16
阿天兄： 我個人是真希望我的母語會當一直透安呢chhèng起來，有地位，有尊嚴，佮儂有比並。Ah現子時的情形佮咱想的差真儕，天差咧地，我的母語互儂當做是無路用儂咧講的話，即陣連家己的儂都oân-á嫌伊bái，嫌伊sông。我捌安呢想過，假使阮nā會當ùi漢族分出來，安呢母語hoān-sè著有救啊。無，親像現子時社會安呢teh獨尊北方文化、北方話，ah我的母語soah 永遠攏無通出頭天，hoān-sè佫會hông拆食落腹，死kah無身屍to呣知影安怎死的！
Posted by limkianhui at 2006年03月26日 09:56
蠻南lâng及所有ê蠻lâng，nā beh走出漢箍á，照講是無問題，著無？中國及「中國仔」（中華民國國民黨）政府ná喝「漢、蒙、藏、回」、「許多民族組成的」…
Ná暗thâi漢「族」內底ê文化多元！「漢族」chit-ê概念本底to̍h是政治ê產品（mā有經濟因素tī—leh)。Ah｢大中國」chit-ê概念ê基礎to̍h是血統、食食、chhēng插、風俗、語言一致ê漢「族」。閩南語ê人口chē koh富，koh bat電子。譬如tī Tâi-ôan，kan-na伸「漢族」、「華人」、及紅毛化（普通號做
「國際化」）chiah-ê概念tī-leh giú後kha！阿輝兄，媒體、網路既然要緊，汝teh做ê空課是加足重要ê。
Ná暗thâi漢「族」內底ê文化多元！「漢族」chit-ê概念本底to̍h是政治ê產品（mā有經濟因素tī—leh)。Ah｢大中國」chit-ê概念ê基礎to̍h是血統、食食、chhēng插、風俗、語言一致ê漢「族」。閩南語ê人口chē koh富，koh bat電子。譬如tī Tâi-ôan，kan-na伸「漢族」、「華人」、及紅毛化（普通號做
「國際化」）chiah-ê概念tī-leh giú後kha！阿輝兄，媒體、網路既然要緊，汝teh做ê空課是加足重要ê。
Posted by aThinn at 2006年03月26日 20:53
要緊是要緊，不而過，自遘taⁿ攏是我家己一儂咧舞niā，實在感覺不止仔稀微。
Posted by limkianhui at 2006年03月27日 12:53
沖縄の美容室特集
