鹭水芗南-闽南语部落

☆☆☆即篇「囡仔歌」是用同安腔⁰念的。

îⁿ-á-hoe, chhiò-bi-bi, chhiò lú chheng-chhun bô-liáu-sî.
圓仔花¹，笑眯眯，笑汝青春無了時²。

Ū kiō pàng-lâi chē, ū bé khan-lâi khiâ.
有轎放來坐，有馬牽來騎。

Bé-oaⁿ kòa chiūⁿ-soaⁿ, bé-bé moa kim-oaⁿ.
馬鞍挂上山，馬尾幔³金鞍。

Tâng-oaⁿ-siâⁿ, hō· lín cha-bó·-á chòe-chhin-chiâⁿ.
同安城，互恁 諸姥仔⁴ 做親情⁵。

Chòe tó-lo̍h ?
做叨落⁶？

Chòe tōa-lō·.
做大路。  
続きを読む

Tō·-ún pê nńg-soa, in-hô i káⁿ ē kiò-koa ?
杜蚓¹爬軟沙, 因何伊敢會²叫歌？

Tō·-ún i sī sin-io tn̂g, sin-io nńg, i chiah ē kiò-koa.
杜蚓伊是身腰長，身腰軟，伊才會叫歌。

Chhân-ni ā-sī sin-io tn̂g, sin-io nńg, in-hô i káⁿ bōe kiò-koa ?
田蛉³也是身腰長，身腰軟，因何伊敢bōe 叫歌？

Chhân-ni i sī la̍k-kha kah sì-si̍t, i chiah bōe kiò-koa.
田蛉伊是六跤佮四翼，伊才bōe 叫歌。

Am-pó·-chê ā-ū la̍k-kha kah sì-si̍t, in-hô i káⁿ ē kiò-koa ?
庵蜅蠐⁴也有六跤佮四翼，因何伊敢會叫歌？

Am-pó·-chê i sī pak-tó·-ē chi̍t-ê chhùi, i chiah ē kiò-koa.
庵蜅蠐伊是腹肚下一个喙，伊才會叫歌。  
続きを読む

白翎鷥（一）／ PE̍H-LĒNG-SI¹

Pe̍h-lēng-si, taⁿ pùn-ki, taⁿ kàu káng-piⁿ ke-á-kîⁿ.
白翎鷥，擔畚箕，擔遘 港邊 溪仔墘。

Poa̍h-chi̍t-tó, khioh chi̍t-chîⁿ.
跋一倒，抾一錢。

Bé tōa-piáⁿ, pun tōa-î.
買大餅，分大姨。

Tōa-î hiâm bô-lōa.
大姨 嫌 無偌²。

Kho·-ke kho·-káu lâi chiù-chōa.
呼雞呼狗來咒誓³。

Chiù-chōa ū, phah sin-pū; chiù-chōa bô, phah chím-pô.
咒誓有，拍新婦⁴；咒誓無，拍嬸婆。

Chím-pô háu, khì chhōe káu.
嬸婆吼⁵，去chhōe狗。

Káu leh pūi, chhōe bô ta̍h-tùi.
狗咧吠，chhōe無 踏碓⁶。

Ta̍h-tùi hó cheng-bí, chhōe bô í.
踏碓 好 舂米，chhōe無椅。

Í leh chē, chhōe bô phōe.
椅咧坐，chhōe無被。

Phōe leh kah, chhōe bô ah.
被咧蓋，chhōe無鴨。

Ah leh thâi, chhōe bô chek-tâi.
鴨咧刣，chhōe無燭臺。

Chek-tâi chò tùn-pâi, ji̍p-chhù chò lô·-châi.
燭臺做盾牌，入恁厝做奴才。

Pn̄g lí chia̍h, hiâm bô-gia̍h.
飯汝食，嫌無額⁷。

Tê lí lim, hiâm chhàu-phòa.
茶汝啉，嫌臭破⁸。

Í lí chē, poa̍h chi̍t-ē.
椅汝坐，跋⁹一下。  
続きを読む

Ke ā ke, lâng beh lia̍h lí thâi.
雞啊雞，儂卜掠汝刣。

Thâi góa chò sím-mi̍h ?
刣我做啥物？

Thâi lí m̄ seⁿ-nn̄g.
刣汝呣生卵。

Chi̍t-ji̍t seⁿ chi̍t-pah, nn̄g-ji̍t seⁿ chi̍t-lôa, beh thâi lí thâi ah.
一日生一百，二日生一籮，卜刣汝刣鴨。

Ah iā ah, lâng beh lia̍h lí thâi.
鴨呀鴨，儂卜掠汝刣。

Thâi góa chò sím-mi̍h ?
刣我做啥物？

Thâi lí bē seⁿ-nn̄g.
刣汝bē生卵。

Chi̍t-ji̍t seⁿ chi̍t-pū, nn̄g-ji̍t seⁿ chi̍t-tû, beh thâi lí thâi gû.
一日生一孵，兩日生一廚，卜刣汝刣牛。   
続きを読む

閩南維基百科即暫仔有介紹一款新的字體（字型），號做「Charis SIL」，講是SIL International開發設計的一款電腦字型，是按照Bitstream Charter的「模」落去做的。目的着是beh造一套有chiâu-chn̂g 的 Unicode（通用碼／统一码） 字型。所以，in講即款字型已經包含「世間所有的『羅馬字』抑是『Cyrillic字』的字母」，thèng好 用來 配合 文字的書寫，嘛thèng好 用來kā文字注音。

維基網頁介紹講，「Charis SIL」佮「 Doulos SIL」共款，嘛用着一寡先進的字型技術，比論講Graphite、OpenType 佮 AAT。不而過，「Charis SIL」比「Doulos SIL」有咔進步。In講「Doulos SIL」即款字體（字型）kan-taⁿ 一款字形（weight）nā-niā，ah nā 「Charis SIL」有四種字形：羅馬體（roman）、粗體、趨體 佮 粗趨體。

佇SIL International官方網站 ，有 開放 免費的版本 互儂 掠（lia̍h／下載），建議朋友相招去掠。Nā beh掠，請入去：http://scripts.sil.org/cms/scripts/page.php?site_id=nrsi&item_id=CharisSIL_download#FontsDownload

這是用charis SIL顯示POJ的效果圖：


p.s. Kā恁偷講一下：「charis SIL」佮福州話羅馬字（平話字）嘛有四配哦～  
続きを読む

Koe-kak-á, ko̍k-ko̍k-thî.
雞角仔¹，咯咯啼。

Kim-tê-au, gûn-tê-sî.
金茶甌，銀茶匙。

Ko·-tiūⁿ chhōa ko·-î, ko·-î chhiò-bún-bún.
姑丈娶姑姨，姑姨笑吻吻²。

Pe̍h-bí sóe pe̍h-phun, pe̍h-phun lìn-lìn-tńg.
白米洗白潘³，白潘遴遴轉⁴。

Pàng-kiō kng chhiⁿ-ḿ, chhiⁿ-ḿ m̄-káⁿ chē.  
続きを読む

Chhiu, chhiu, chhiu...
啾啾啾¹……

A-kong hoat chhiù-chhiu.
阿公發喙鬚。

Keng-chêng bē tāu-iû, tāu-iû phòe kiâm-chiáⁿ.
宮前賣豆油，豆油配鹹chiáⁿ。²

Keng-chêng bē hiuⁿ-piàⁿ, hiuⁿ-piáⁿ so· kah phang.
宮前賣香餅³，香餅酥佮芳⁴。

Keng-chêng bē bí-phang, bí-phang chhè koh tiⁿ.
宮前賣米芳⁵，米芳脆佫甜。

Keng-chêng bē gû-ni, gû-ni ū gû hiàn.
宮前賣牛ni，牛ni有牛hiàn。⁶

Keng-chêng bē ke-kiān, ke-kiān kā bōe tn̄g.
宮前賣雞腱⁷，雞腱咬bōe斷。

Keng-chêng bē iû-pn̄g, iû-pn̄g chin hó-chia̍h.
宮前賣油飯，油飯真好食。  
続きを読む

Niáu-chhí-á-koaⁿ, khan-gû khan-bé chiūⁿ tōa-soaⁿ
鳥鼠仔倌^①，牽牛牽馬，上大山。

Soaⁿ-téng bô bé-chháu, khan lâi-kàu lāu-chím-pô--á in mn̂g-kha-kháu.
山頂 無 馬草，牽 來遘 老嬸婆仔 in 門跤口。

Poa̍h-chi̍t-tó, kha thiàⁿ-thiàⁿ.
跋一倒，跤疼疼。

Tâu ô-kiàⁿ, ô-kiàⁿ khì bē ô.
投蚵鏡（蠔鏡）^②，蚵鏡去賣蚵。  
続きを読む