2005年07月06日

新加坡漢語言詩文朗讀會

2005 nî 2 go̍eh 26 hō, Sin-ka-pho 7-tōa Hôa-jîn hōe-kóan khan-chhiú kiâⁿ chò-hóe, kiōng-tông kú-pān 1-tiûⁿ chhù-bī koh ū ì-gī ê "Si-sû Lóng-tho̍k Tāi-hōe" (Hôa-gú: 大型詩詞朗誦會), chú-tiuⁿ chham-ú-chiá ài iōng Hán-gú (pau-koah "Hôa-gú" kah "hong-giân") choh-ûi lóng-tho̍k gú-giân.....

Chit-pián ê "Si-sû Lóng-tho̍k Tāi-hōe" ē-tit tī Sin-ka-pho chit-ê ta̍uh-ta̍uh-á teh "se-hòa" ê kok-ka kú-pān, si̍t-chāi-kóng, chiâⁿ bô kán-tan tī--leh, iu-kî koh ài iōng "hong-giân" liām si-bûn, kēng-ka put-iông-ī.

Chham-ka "Si-sû Lóng-tho̍k Tāi-hōe" ê Tn̂g-lâng (唐侬) hōe-kóan sī thôan-thóng ê "Hok-kiàn Hōe-kóan" (Hokkien/Bân-lâm-lâng), "Kóng-tang Hōe-kóan", "Tiô-chiu Pat-ip(八邑) Hōe-kóan", "Lâm-iûⁿ Kheh-sio̍k Hōe-kóan", "Hái-lâm Hōe-kóan", "Hok-chiu Hōe-kóan" kah "Sam-kang Hōe-kóan".

Chham-ka piáu-ián ê lâng iōng Bân-lâm-gú, Kńg-tang-oē, Tiô-chiu-oē, Hái-lâm-oē, Kheh-gú, Hok-chiu-oē, Siōng-hái-oē kah Hôa-gú lâi teh lóng-tho̍k si-bûn, pau-koah Tông-si, Sòng-sû kah koa-iâu, pí-lūn-kóng "《满江红》、《水调歌头》、《苏武牧羊》" téng-téng, lóng-chóng 60 gōa siú.

Chit-tiûⁿ "Si-bûn Lóng-tho̍k Tāi-hōe", sī ūi-tio̍h beh phòe-ha̍p "Chong-chhin Hōe-kóan Liân-ha̍p Chóng-hōe" 20 chiu-nî hōe-khèng chiah lâi kú-pān--ê. Kú-pān si-bûn lóng-tho̍k oa̍h-tōng ê bo̍k-tek sī :

1. Thê-kiong chi̍t-ê chhin-sin chham-ú ê ki-hōe, hō· hiah-ê ē-hiáu kóng "hong-gân" ê lāu-tōa-lâng hoan-hí lâi chham-ka.

2. Sūn-sòa mā-sī beh ǹg-bāng siàu-liân-ke ē-tàng lâi tàu-lāu-jia̍t, kó·-lē in thong-kòe chham-ka oa̍h-tōng thang chhōe-tio̍h ka-kī ê kin-gôan, tiōng-sī kah ha̍p-si̍p chó·-sian ê gí-giân.


同じカテゴリー（母語消息）の記事
第四屆世界合唱比賽，現場show 閩南歌謠（敬請期待）
第四屆世界合唱比賽，現場show 閩南歌謠（敬請期待）(2006-03-19 12:14)

國際母語日
國際母語日(2006-02-19 12:05)

廈門大學成立閩南語協會
廈門大學成立閩南語協會(2005-12-22 13:24)

头一届“中、台闽南语歌唱大赛”煞鼓
头一届“中、台闽南语歌唱大赛”煞鼓(2005-10-28 11:20)

“中、台闽南语歌唱大赛”总决赛伫厦门举行
“中、台闽南语歌唱大赛”总决赛伫厦门举行(2005-10-23 13:47)

泉州市頭一間專業閩南語電臺成立，開始對台放送
泉州市頭一間專業閩南語電臺成立，開始對台放送(2005-10-12 20:21)


Posted by limkianhui at 00:19 │母語消息
このBlogのトップへ
このページの上へ▲