鹭水芗南-闽南语部落

[一] 世界杯笑话

2003年世界盃，中國隊輸kah若國民黨，倒來了後，暫時蹛伫一間酒店内底。比賽輸hiah惨，国内舆论早早着闹kah鏘鏘滾。聽講有烏道大哥因為赌球输朆少，風聲講卟揬(tu̍h)死國家隊大细漢囡仔。聽着消息了後，本然着真無膽啲孫继海，更加是驚kah六六七(la̍k-la̍k-chhoah)。“緊蹽(liâu)，咔bōe拄著别條；緊辿(soan)，咔bōe拄著機關”，孫继海决定卟冗早(liōng-chá)落跑。伊考慮規暝，想出一个撇步——化装做紅毛美女透暝踉蹽(làng-liâu)。

伊走kah街路邊,看著一个乞食婆un伫hia，choăⁿ 自 lak袋内 iam一百箍银票(纸字)互伊：“喂!ah..汝敢知影我啥儂？”

乞食婆頭連眈(taⁿ)嘛無眈,共伊應講：“汝孫继海。”

孫继海掣一趒(chhoah-chi̍t-thiô)，趕緊佫走轉去酒店ê，換裝做一个烏頭毛啲老阿婆，佫來遘乞食婆遐，照原佫hiù一百箍互伊：“汝...敢知影我啥儂？”

“孙继海咯！”乞食婆照原 kìⁿ-bīn to̍h ioh kah凖凖。

即擺，孫继海真正驚一下險險破膽！伊赶紧iam一千箍出來，细聲共問：“汝若共我講，汝是安怎共我認出來啲，遮錢著拢汝啲。”

乞食婆啲頭匀匀仔眈(taⁿ)起來，錢先袋落，了後輕輕仔应講：“嘘！咔细聲啲，我郝海東。” (添注：孙、郝，两儂拢是中国国家足球隊ê隊員)

[二] 电影分级


老爸佮后生咧開講，講著电影分級啲問題。后生請教老爸，分級啲標凖是啥？老爸分析講：
　　

一陣大儂佮囡仔同齊去看电影。假使看遘一半，大儂看朆落去，即款电影叫做——普通级；


假使电影搬一半，大儂囡仔做夥咧議論，即款电影叫做——辅导级；


假使电影搬一半，大儂共囡仔戽出去，即款电影叫做——限制级；


不而过，假使电影搬咔無遘一半，大儂囡仔做一下走了了，即款电影一定是卟送去參加影展。

[三] 乞食


公園仔内，一个穿kah破糊糊啲乞食，當咧共一个好額儂好喙姑成(ko·-chiâⁿ)：“先生，拜托汝帶念我即个有路無厝啲可憐儂，淡薄仔來分啦，我無某無猴，無塍(chhân)無厝；無滊車，嘛無存款，干凋...干凋偆即支槍niâ...”