鹭水芗南-闽南语部落

咱是卟来研究hit号"siâu"。"siâu"，本意是"精液",有看侬写做"滫"，这应该是俗字啦，ah本字是啥，歹势，我oân-á嗳去问别侬。辷个"滫"，讲起来，实在诚好运，无张无弛，伊啲囝孙煞愈湠愈侪，侪侪口语词拢有带"滫"，有影足娆啲！可比讲：

1、衰潲：（倒霉）；
2、创啥潲：（干啥子）
3、hau-潲：（失实、虚假）
4、茹潲潲：音"lû-siâu-siâu"，意思"乱七八糟"
5、茹潲：（耍无赖，很屌）
6、戆潲：音"gōng-siâu"，意思很傻。
7、孽潲：音"gia̍t-siâu"，意思"乖張, 頑皮")。

这拢算讲咔粗喙啲啦，he小姐侬抑是查某囡仔婴，着拢总咔无安呢咧讲（hiō·,若有查某囡仔tòe侬讲"衰滫"，其实嘛是吤古锥哩！）。讲正经啲啦，昑辷个"滫"，只不过是一种语气助词，在词语当中并无实际意义，干凋扮演着加强语气啲作用。

佫来讲：卫生巾

卫生巾，这算现代社会才有啲，以前拢无这啦！踮古早中国封建社会啲时代，传统啲妇女，若月经来啲时阵，上怨叹，一惊疼，第二惊渗（siàm)，我安呢讲，咱逐家听有hò·?! (听有算内行啲...) 惊？惊，又佫安怎，功课路仔嘛是共款嗳做，看有影无？过去啲侬oân-á诚巧，当然无侬咧賣"卫生巾"，各侬透底用he长长、狭狭仔啲布仔带,liâu-liâu-á结，宽宽仔hâ, 缚kah诚絙,诚pih-chah....辷款妇女专用啲布，闽南语叫做"chah布" 。实在诚歹势，辷种物仔，我细汉oân-á捌看过一半摆仔（见笑，面仔红红）......