2005年07月06日
講「胭脂」
晉前(chìn-chêng/之前)，佇北大中文論壇閩南話專題，有來討論著"胭脂"辷項物件，來自臺北啲"Timluo"網友講著"胭脂"佮"唇紅"無共款，伊講" Technically speaking, 胭脂 and 口紅 are not the same. 胭脂 is what we call 腮紅 (blush or blusher) nowadays."
昑（Taⁿ/現在），我斟酌(chim-chiok/認真)共想咧，確實有影。來講一個"古"，佮各位做夥輕鬆一下——
金門王猶未死晉前，量其約是1995~1998年迄暫仔(hit-chām-á/那陣子)，伊參李炳輝鬥伴，出過幾若張專輯，上chhèng啲，嘛是上吤有名啲，應該是迄張《流浪到淡水》。辷張專輯內底有一條歌，號做"《喝玲瓏，賣雜細》"，辷條歌其實是李炳輝家己唱啲（金門王並無出聲，伊干凋(kan-ta/只是)顧彈伊啲吉他），犯勢(hōan-sè/興許)逐家攏捌(bat/曾)聽過辷條歌。講實在的，辷條有影真正涸稽（kho̍k-khe/笑稽/chhiò-khoe)，我頭一擺聽啲時，著笑及強卟(beh/欲)害去，笑及一支喙強強卟裂了了，辷陣想起來，有噹時仔，佫著噯半暝爬起來偷笑......若是有儂遘昑(kàu-taⁿ)佫猶未聽過，古井水雞強烈建議恁趕緊去買來聽聽咧。
講嚉叨位去也？Hiō·, 趕緊佫來講"胭脂"咔有影。《喝玲瓏，賣雜細》辷條歌內底啲口白部分上趣味，當中有一句（猶佫呣是上吤笑稽啲）是安呢念啲："he胭脂beh揀著噯捒迄號好氣味，beh抹著噯抹喙邊，愛人仔鼻著呣才會心綿綿...各位小姐呣通假gâu 嗱，胭脂若摕去(the̍h-khì/拿去)抹咧鼻頭，拄好(tú-hó/正好)親像木柵(ba̍k-saⁿ,一個地號)仙公廟 迄隻紅鼻猴！"......李炳輝咧"賣"啲辷款胭脂，著是會當抹喙唇，佫會當抹面、甚至佫會當抹額炙（hia̍h-chiáⁿ/thâu-hia̍h/額頭）啲胭脂。喂，拜託啲！逐款胭脂攏嘛是安呢，呣是干凋李炳輝啲胭脂會當niâ, 伊啲也無咧咔排祉（pâi-chí，神氣/高貴）儂！是啦，所以講，有時仔，詳細共想咧，卟學啲物件猶原佫真儕(chin-chōe/很多)。咱著噯"食遘老，學遘老"，安呢儂咔朆(khah bōe/才不致)嫌汝"古井水雞"啦！（互我一个儂來做"古井水雞"著好也，恁嫑啦）....
金門王猶未死晉前，量其約是1995~1998年迄暫仔(hit-chām-á/那陣子)，伊參李炳輝鬥伴，出過幾若張專輯，上chhèng啲，嘛是上吤有名啲，應該是迄張《流浪到淡水》。辷張專輯內底有一條歌，號做"《喝玲瓏，賣雜細》"，辷條歌其實是李炳輝家己唱啲（金門王並無出聲，伊干凋(kan-ta/只是)顧彈伊啲吉他），犯勢(hōan-sè/興許)逐家攏捌(bat/曾)聽過辷條歌。講實在的，辷條有影真正涸稽（kho̍k-khe/笑稽/chhiò-khoe)，我頭一擺聽啲時，著笑及強卟(beh/欲)害去，笑及一支喙強強卟裂了了，辷陣想起來，有噹時仔，佫著噯半暝爬起來偷笑......若是有儂遘昑(kàu-taⁿ)佫猶未聽過，古井水雞強烈建議恁趕緊去買來聽聽咧。
講嚉叨位去也？Hiō·, 趕緊佫來講"胭脂"咔有影。《喝玲瓏，賣雜細》辷條歌內底啲口白部分上趣味，當中有一句（猶佫呣是上吤笑稽啲）是安呢念啲："he胭脂beh揀著噯捒迄號好氣味，beh抹著噯抹喙邊，愛人仔鼻著呣才會心綿綿...各位小姐呣通假gâu 嗱，胭脂若摕去(the̍h-khì/拿去)抹咧鼻頭，拄好(tú-hó/正好)親像木柵(ba̍k-saⁿ,一個地號)仙公廟 迄隻紅鼻猴！"......李炳輝咧"賣"啲辷款胭脂，著是會當抹喙唇，佫會當抹面、甚至佫會當抹額炙（hia̍h-chiáⁿ/thâu-hia̍h/額頭）啲胭脂。喂，拜託啲！逐款胭脂攏嘛是安呢，呣是干凋李炳輝啲胭脂會當niâ, 伊啲也無咧咔排祉（pâi-chí，神氣/高貴）儂！是啦，所以講，有時仔，詳細共想咧，卟學啲物件猶原佫真儕(chin-chōe/很多)。咱著噯"食遘老，學遘老"，安呢儂咔朆(khah bōe/才不致)嫌汝"古井水雞"啦！（互我一个儂來做"古井水雞"著好也，恁嫑啦）....
Posted by limkianhui at 00:38
│閩南語考
画像一覧 